Мастачка трапіла ў складанае становішча, у яе анкалогія і складаныя побытавыя ўмовы. Яна нават звяртаецца па бясплатную ежу ў групу, арганізаваную Сяргеем Мельянцом.
Ксіша Ангелава — мастачка, актрыса і іканапісец, якая з 2020 года малюе партрэты беларускіх палітзняволеных. За гэты час яна стварыла больш за 1100 прац і сабрала з іх выставу «Мартыралог Беларусі». Гэтую выставу бачылі ў Варшаве, Вільні, Рыме, Лондане, Страсбургу і іншых гарадах. Партрэты Ксішы — гэта не толькі мастацтва, але і спосаб захаваць памяць, перадаць боль і сілу тых, хто апынуўся за кратамі.
Зараз Ксіша жыве ў Варшаве, выхоўвае дачку і працягвае маляваць. Але за гэтай стойкасцю — цяжкі стан здароўя (анкалогія, аперацыі, хіміятэрапія) і складаныя побытавыя ўмовы. Да доктара яна запісаная на 2026 год. Матэрыялы для працы набывае за ўласны кошт, жыве на выпадковыя падпрацоўкі і харчовую дапамогу.
«Таксама працягваю маляваць, каб свет не забываў пра нашу боль. Калі бачу, як замежнікі рэагуюць на мае выставы, пачынаюць адгукацца на наш заклік, — вельмі радуюся. Гэта дазваляе працягваць, не паддацца спакусе спыніцца і прызнаць, што нічога не працуе, а людзі ўсё яшчэ там.
Такую творчую працу цяжка спалучаць з працай, асабліва чатыры гады запар. Я малюю за свой кошт і матэрыялы, у вольны час. І не магу ўладкавацца на пастаянную працу з-за выставаў: вельмі часта запрашаюць у розныя галерэі. Але гэта звычайна толькі квіток, у рэдкім выпадку — нейкая сціплая ежа. Таму некалькі гадзін на тыдзень працую з беларускімі дзецьмі, а таксама з польскімі з СДУГ, бо маю педагагічную адукацыю. Гэтых грошай хапае толькі на кватэру, у якой мы жывём з дачкой», — піша Ксіша.
Сума збору
€3750
- €2000 — платныя візіты да лекараў
- €1100 — арэнда кватэры
- €650 — побытавыя выдаткі і ежа
А тут можна ёй дапамагчы — збор на BYSOL (толькі з небеларускіх сродкаў аплаты).
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі6
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2727
Каментары
штаб - 10 000 е , нау́ 9 000 е , франак прадасьць катлы і ахвяруе 5 , лябедзька - 7 000 , Кавалеу́скі 14000 е , Пракоп'еу́ 11000 , цыбэрпрартызанцы на чале з прэс аташэ 40 000 , Анжаліка дзясятачку , абба 20 000 , цапкала 50 000 , латушка 100 т , ,,кіт,, ці як яго там лімон .