У Францыі дзіцячы хірург гвалціў пацыентаў, калі яны былі пад наркозам
У Францыі 74-гадовага былога хірурга Жаэля Лё Скуарнека прыгаварылі да 20 гадоў пазбаўлення волі за сэксуальныя дамаганні і гвалт над дзецьмі. За 30 гадоў сваёй практыкі ад яго дзеянняў пацярпелі 299 маленькіх пацыентаў, паведамляе NBC News.
Сярэдні ўзрост ахвяр складаў каля 11 гадоў. Гвалт адбываўся, калі дзеці знаходзіліся пад анестэзіяй або ў перыяд аднаўлення пасля аперацый.
У Лё Скуарнека ёсць трое дзяцей. Падчас суда ён прызнаўся ў сваіх злачынствах. Як паведамляе NBC, гэты лекар ужо адбывае пакаранне за згвалтаванне маладой суседкі і трох дзяцей — у 2020 годзе яму прысудзілі 15 гадоў.
Паводле адвакаткі Франчэскі Саты, якая прадстаўляе інтарэсы 10 ахвяр, папярэджанні пра паводзіны Лё Скуарнека паступалі на працягу ўсіх 30 гадоў яго працы.
За сваю кар’еру ён працаваў у дзевяці дзяржаўных і прыватных клініках у пяці рэгіёнах Францыі, спецыялізуючыся на апендыктаміі (выдаленні апендыксаў), аперацыях на брушной поласці і гінекалагічнай хірургіі.
Цяпер чытаюць
Малодшы сын Сахашчыка абвешчаны зніклым без вестак. Выглядае, ён ваяваў за Расію99
Малодшы сын Сахашчыка абвешчаны зніклым без вестак. Выглядае, ён ваяваў за Расію
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы55
Каментары
Наркоз даецца ў аперацыйнай анэстэзіолагам. У анэстэзіолага павінен быць памочнік (ці медсестра). Яны павінны бесперапынна назіраць за пацыентамі з моманту пачатку наркоза (у выпадку дзяцей - раней) і да поўнага прабуджвання. Побач з хірургам на аперацыі павінна быць як найменьш аперацыйная медсястра.
Як гэта наогул магчыма?