Каля 250 мільёнаў пчол уцяклі з перакуленага грузавіка ў амерыканскім штаце Вашынгтон у пятніцу, што прымусіла ўлады папярэдзіць насельніцтва пра небяспеку набліжэння да гэтых насякомых, піша Бі-бі-сі.
Грузавік, які перавозіў больш за 31 тону вулляў з мядовымі пчоламі, перакуліўся на дарозе паблізу мяжы з Канадай. На дапамогу аварыйным службам прыехалі некалькі дасведчаных пчаляроў.
«Мэта — выратаваць як мага больш пчол», — заявілі ў офісе шэрыфа акругі Уатком неўзабаве пасля здарэння.
Улады паведамілі, што месца аварыі застанецца закрытым «да завяршэння выратавальнай аперацыі». «250 мільёнаў пчол цяпер на волі, — напісаў шэрыф акругі. — ПАЗБЯГАЙЦЕ ГЭТАГА РАЁНА з-за магчымасці нападаў і скаплення пчол». «План заключаецца ў тым, каб дазволіць пчолам вярнуцца ў вуллі і знайсці сваю матку, — адзначылі ў офісе шэрыфа. — Гэта павінна адбыцца на працягу наступных 24—48 гадзін».
Увечары ў пятніцу паліцыя ў сацсетках падзякавала «цудоўнай супольнасці пчаляроў» — паводле іх, на дапамогу прыехала больш за два дзясяткі чалавек.
«Да раніцы большасць пчол павінны вярнуцца ў свае вуллі», — напісалі прадстаўнікі WCSO у фэйсбуку.
На апублікаваных паліцыяй кадрах бачна, як велізарная колькасць пчол рояцца вакол грузавіка.
Хоць некаторыя пчаляры займаюцца выключна вытворчасцю мёду, многія таксама здаюць вуллі ў арэнду фермерам, якім патрэбны пчолы для апылення сельскагаспадарчых культур.
Цяпер чытаюць
Што посцяць беларускія селебрыціс, якія апынуліся пад бомбамі і дронамі ў краінах Бліжняга Усходу7
Каментары