Дэмакратычныя сілы Беларусі і ЕС падпісалі Мемарандум аб паразуменні
18 чэрвеня ў Бруселі Еўрапейскі эканамічна-сацыяльны камітэт і дэмакратычныя сілы Беларусі падпісалі «Мемарандум аб паразуменні». У Офісе Святланы Ціханоўскай патлумачылі сутнасць дакумента.
Галоўная мэта дакумента — закласці асновы для пашыранага супрацоўніцтва паміж бакамі. У прыватнасці, умацаваць сувязі паміж грамадзянскай супольнасцю і незалежнымі СМІ краінаў Еўрапейскага Саюза і Беларусі, а таксама садзейнічаць удзелу беларускіх дэмакратычных структураў у еўрапейскіх сетках грамадзянскай супольнасці.
Па якіх напрамках будзе ажыццяўляцца супрацоўніцтва:
1. Умацаванне ўзаемадзеяння паміж Еўрапейскім эканамічна-сацыяльным камітэтам, беларускімі дэмакратычнымі сіламі і арганізацыямі грамадзянскай супольнасці Беларусі.
2. Ажыццяўленне сумесных мерапрыемстваў па павышэнні дасведчанасці аб унутранай сітуацыі ў Беларусі ў галіне парушэння правоў чалавека.
3. Прасоўванне і падтрымка прадстаўнікоў беларускіх незалежных СМІ і журналістаў.
4. Арганізацыя мерапрыемстваў, накіраваных на папулярызацыю беларускай спадчыны, культуры і мовы ў краінах Еўрапейскага Саюза.
5. Распрацоўка і рэалізацыя сумесных ініцыятываў, накіраваных на супрацьдзеянне дэзінфармацыі і прапагандзе.
6. Дапамога ў распрацоўцы і ацэнцы рэформаў для новай Беларусі, а таксама абмену лепшымі практыкамі і досведам пераходу да дэмакратыі.
Цяпер чытаюць
Вазіў натаўцаў у Афганістан і скідваў гуманітарку ў Судане, а потым трапіў у турму па даносе сябра з Украіны1
Каментары
"Мемарандум аб паразуменні" забяспечвае падрыхтоўку Беларусі да ўступлення ў Еўрапейскі Саюз.
Што важна, прадугледжвае сумесную ці скардынаваную работу па падрыхтоўцы.
З дня Канферэнцыі ПКК прайшло ўжо 569 дзён. Паўтара гады.
Ні Святлана Ціханоўская, ні яе офіс Ціханоўскай, ні яе кабінет Ціханоўскай да сіх пор так і не падпісалі ні Мемарандум Канферэнцыі ПКК Шлях да Волі, ні Адозву да вольных народаў свету.