Гомельскія кандыдаты ад Беларускай хрысціянскай дэмакратыі не могуць надрукаваць сваю перадвыбарчую агітацыю. Дзяржаўная друкарня не бярэцца за працу з тэхнічных прычын, а прыватнікам «звязвацца» з кандыдатамі ў дэпутаты забаронена.
Гомельскія актывісты БХД вырашылі сваю перадвыбарчую прадукцыю надрукаваць у двух варыянтах: улеткі і налепкі. Але дзяржаўная друкарня, у якую накіроўваюць кандыдатаў у дэпутаты, не мае тэхнічнай магчымасці зрабіць адзін з відаў прадукцыі. Некаторыя ж прыватныя агенцыі друку Гомеля такую магчымасць маюць, але тут паўтсаюць іншыя праблемы.
Як паведаміў кандыдат у дэпутаты Гомельскага аблсавета Святаслаў Шапавалаў, актывісты знайшлі прыватную агенцыю, згодную надрукаваць патрэбную прадукцыю. Але на этапе заключэння дамовы ўзнікла адразу некалькі праблем.
Але сапраўдны сюрпрыз чакаў Святаслава Юр’евіча ў прыватнай агенцыі друку, якая пагадзілася надрукаваць налепкі. Як толькі справа дайшла да заключэння дамовы, стала вядома, што дамову заключыць немагчыма. Са слоў супрацоўнікаў, дырэктар прадпрыемства забараніў супрацоўнічаць з кандыдатамі ў дэпутаты. Калі актывісты запыталіся пра дакумент, які падцвярджае такую забарону, ім паведамілі, што гэта загад «зверху».
«Гэта проста абсурд нейкі! — абураецца Святаслаў Шапавалаў. — Улада прапаноўвае для друкавання кандыдатам адзінае дзяржаўнае прадпрыемства. Такім чынам перакладае грошы з адной кішэні ў другую. Прыватнікам жа негалосна забаронена прымаць замовы на друк агітацыі. Улада ідзе на усё, каб толькі не даць магчымасці зарабіць прыватным прадпрыемствам. Хоць самі не могуць надрукаваць элементарныя налепкі!»
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай77
Каментары