У міліцыю звярнулася 55-гадовая жанчына. Жанчына выявіла скол на лабавым шкле свайго аўтамабіля, калі вярталася з працы.
Дзякуючы камерам відэаназірання, супрацоўнікі Кастрычніцкага РАУС Гродна аператыўна вылічылі «хулігана». Ім аказалася… птушка, паведамляе абласная міліцыя.
Варона скінула на машыну невядомы прадмет. Пасля атакі, не губляючы часу, знікла.
На жаль, дамагчыся кампенсацыі ад пярнатай парушальніцы не атрымаецца…
Volkswagen, дарэчы, быў прыпаркаваны на праспекце Касманаўтаў непадалёк ад гандлёвага цэнтра насупраць аўтавакзала.
Часта птушкі скідваюць з вышыні арэхі, каб разбіць іх і з’есці змесціва. Ахвярамі «бамбардзіровак» могуць стаць і ўладальнікі аўтатранспарту.
Ці варта купляць закінутую хату за адну базавую і колькі гэта каштуе насамрэч? Вось што расказваюць людзі4
Каментары