Пасля масавага мітынгу ў сталіцы Сербіі з патрабаваннем датэрміновых выбараў у цэнтры Бялграда адбыліся сутыкненні з паліцыяй, піша ВВС.
Паліцыя ўжыла слезацечны газ або перцавыя балончыкі. Журналісты агенцтва AFP таксама сталі сведкамі выкарыстання паліцыяй светлашумавых гранат.
Раней у суботу ў цэнтры Бялграда сабраліся дзясяткі тысяч пратэстуючых. На фотаздымках з месца падзей бачна, што плошча Славія ў цэнтры горада, побач з якой размешчана шмат урадавых устаноў, амаль цалкам запоўнена людзьмі.
Паліцыя ацэньвала колькасць сабраўшыхся ў 36 тысяч, незалежная назіральная арганізацыя «Архіў публічных збораў» — у 140 тысяч.
Дзясяткі паліцэйскіх у ахоўным рыштунку ахоўвалі ўрадавыя будынкі і блізкі парк, дзе таксама сабраліся вялікія групы прыхільнікаў прэзідэнта Аляксандра Вучыча, якія з’ехаліся з усёй краіны.
А каля 22:00 па мясцовым часе (20:00 па Грынвічы) мітынг скончыўся, частка пратэстуючых рушыла ў бок прыхільнікаў Вучыча, а таксама пачала кідаць фаеры ў паліцэйскіх. У гэты момант паліцыя ўжыла сілу.
На фота з дрона бачная плошча і вуліцы, што сыходзяцца на яе, запоўненыя людзьмі
Суботняя акцыя стала працягам серыі пратэстаў супраць карупцыі, якая працягваецца з лістапада мінулага года, калі ад абрушэння бетоннага навеса на толькі што адрамантаваным чыгуначным вакзале ў Нові-Садзе загінулі 16 чалавек.
Пратэстуючыя лічаць карупцыю прычынай трагедыі.
У мінулым месяцы пратэстуючыя пачалі патрабаваць датэрміновых парламенцкіх выбараў. У цяперашнім парламенце большасць мае партыя прэзідэнта Аляксандра Вучыча. Сам ён раней казаў, што наступныя выбары адбудуцца дакладна ў тэрмін, а ён надыдзе ў канцы 2026 года.
Пратэстуючыя патрабавалі ад Вучыча згоды на датэрміновыя выбары, але ён адхіліў іх патрабаванне.
Вучыч часта сцвярджае, не прыводзячы доказаў, што пратэстуючыя дзейнічаюць у інтарэсах «замежных дзяржаў».
-
ФБР абвінаваціла Паўночную Карэю ў крадзяжы больш як 6 мільярдаў даляраў з Binance
-
Бацькі з Крэмніевай даліны плацяць па $60 тысяч за школы без гаджэтаў. Чаму яны не хочуць для сваіх дзяцей тэхналогій, якія самі ствараюць?
-
Прэзідэнт Фінляндыі расказаў, якія пасланні ад Украіны перадаў Пуціну падчас размовы з ім
Цяпер чытаюць
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1414
Каментары