Банкі ў першым квартале выявілі 184 падробленыя грашовыя знакі, у тым ліку адну манету. Фальшывак стала на 1,1% менш, пры гэтым падробленых $50 стала ў 2,5 раза больш, піша Onliner.by.
Амаль усе фальшыўкі — 170 купюр — гэта долары. Як і раней, найчасцей падробліваюць намінал $100, выяўлена 126 такіх банкнот (на 10% менш, чым годам раней). Да катэгорыі суперпадробак аднесены тры стодаляравыя банкноты.
Яшчэ 43 фальшывыя купюры мелі намінал $50 (у першым квартале мінулага года было 17 такіх купюр). Акрамя таго, была адна падробленая дваццатка.
Банкаўскія работнікі таксама выявілі 10 падробак расійскіх рублёў, 3 несапраўдныя банкноты еўра (дзве наміналам 100 еўра і адна — 50 еўра) і фальшывую манету 2 еўра. Беларускія рублі сярод фальшывак не сустракаліся.
Цяпер чытаюць
Зорная беларуская інтэлектуалка пайшла на рэаліці ад ТНТ — будзе плясці інтрыгі, каб атрымаць 100 тысяч еўра6
Каментары