У Пятрышках вечарам 16 ліпеня трое хлопчыкаў ва ўзросце 8, 9 і 11 гадоў складалі камяні на чыгунку непадалёк ад моста.
Двое з іх — мясцовыя жыхары, трэці — прыехаў са Смалявіцкага раёна ў госці да бабулі, паведамляе «Міліцыя Міншчыны».
Гэта не адзіны выпадак: хлопцы таксама былі заўважаныя за аналагічнымі дзеяннямі 13 і 14 ліпеня. Міліцыяй праводзіцца праверка.
Паколькі дзеці не дасягнулі ўзросту, з якога наступае адміністрацыйная або крымінальная адказнасць, да адказнасці могуць прыцягнуць іх бацькоў. У дачыненні да іх будзе дадзена прававая ацэнка паводле артыкула 10.3 КаАП — за неналежнае выхаванне. Супрацоўнікі міліцыі наведалі сем’і юных парушальнікаў, правялі прафілактычныя гутаркі з дзецьмі і іх бацькамі, нагадаўшы пра небяспеку такіх дзеянняў.
У міліцыі нагадалі: падобныя правіннасці, у залежнасці ад наступстваў, могуць разглядацца як наўмыснае пашкоджанне шляхоў злучэння (артыкул 309 КК) або хуліганства (артыкул 339 КК).
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары