Свет11

Заходнія спецслужбы фіксуюць зніжэнне колькасці расійскіх дыверсій у Еўропе

Паводле заходніх разведак, колькасць дыверсій, якія, як мяркуецца, арганізоўвалі расійскія спецслужбы ў Еўропе, пачала змяншацца. Пра гэта паведамляе выданне Bloomberg, спасылаючыся на неназваных еўрапейскіх і амерыканскіх чыноўнікаў.

Пажар у варшаўскім гандлёвым цэнтры ў 2024 годзе. Фота: польская Дзяржаўная пажарная служба

Згодна з данымі Міжнароднага інстытута стратэгічных даследаванняў (IISS), з пачатку 2025 года да мая зафіксавана 11 выпадкаў расійскага сабатажу, у тым ліку спробы пашкоджання аптычнага валакна і мабільных вежаў у Швецыі.

У 2024 годзе такіх інцыдэнтаў было больш за 30 — яны закраналі энергетычную інфраструктуру, сувязь, транспарт, вайсковыя і цывільныя аб’екты, а таксама падводныя сістэмы.

Паводле меркавання крыніц, зніжэнне актыўнасці пачалося восенню 2024 года пасля таго, як ЗША перасцераглі Расію ад далейшых гібрыдных атак. Гэта адбылося на фоне серыі пажараў на лагістычных цэнтрах DHL у Германіі і Польшчы, а таксама паведамленняў пра магчымыя спробы закласці выбухоўку на грузавыя рэйсы ў ЗША.

Адной з прычын спаду лічыцца ненадзейнасць выканаўцаў, якіх наймалі сярод крымінальнікаў на месцах. Гучныя арышты і судовыя справы зрабілі такія аперацыі больш рызыкоўнымі. Акрамя таго, зніжэнне можа быць звязана з палітычнымі меркаваннямі — напрыклад, з жаданнем не раздражняць ЗША на пачатку прэзідэнцтва Дональда Трампа.

Таксама існуе меркаванне, што ў расійскага ГРУ (якое, як мяркуецца, адказвае за гэтыя аперацыі) проста не хапае рэсурсаў.

Крэмль не пракаментаваў адпаведны запыт Bloomberg, а раней прэс-сакратар Дзмітрый Пяскоў называў абвінавачванні на адрас Расіі «абсалютна беспадстаўнымі».

У маі прэм’ер-міністр Польшчы Дональд Туск адкрыта абвінаваціў расійскія спецслужбы ў падпале гандлёвага цэнтра ў Варшаве (здарэнне адбылося ў 2024 годзе). У ліпені паведамлялася, што ў Польшчы затрымалі 32 чалавекі па падазрэнні ў супрацоўніцтве з расійскімі разведвальнымі структурамі.

Таксама ў ліпені трое чалавек у Вялікабрытаніі былі асуджаныя за падпалы складоў кампаніі, што пастаўляла Starlink для Украіны. Расію таксама абвінавачвалі ў глушэнні GPS-сігналаў і спробе замаху на кіраўніка нямецкага абароннага канцэрна Rheinmetall.

Каментары1

  • Васіль
    02.08.2025
    Падлодкі яшчэ не даплылі, але маскаль ужо порткі абмачыў. Дымавую завесу пускаюць. Маўляў, мы ўжо Еўропу не чапаем. Якія ж вы прымітыўныя)

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць43

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Luxvisage выпусціў шыкоўны адвэнт-каляндар у выглядзе цягніка. Яго зноў немагчыма набыць у Беларусі6

Стала вядома пра цяжкую сітуацыю сям'і, якая паўтара года таму трапіла ў жудаснае ДТЗ у Талачынскім раёне2

Жанчына тры гады не можа выехаць з райскага вострава. Выйсці з бюракратычнай пасткі ніяк2

Так выглядаў Уладзімір Пуцін у Шэньджэні ФОТА13

Пуцін назваў умову ўдзелу еўрапейцаў у перамовах па Украіне8

Да 2035 года мусульман стане больш, чым хрысціян. А цэнтр хрысціянства перамесціцца ў Афрыку12

«А што дрэннага было ў Ялце?» Пуціна спыталі пра «новую Ялту»6

Пуцін паабяцаў Украіне «балючыя адказы» на ўдары па Крымскім мосце4

Сабаленка схадзіла на матч НБА паміж «Лэйкерс» і «Джаз». «Лэйкерс» прайгралі пасля дзевяці перамог запар2

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць43

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць