У Новай Зеландыі жанчына везла двухгадовае дзіця ў валізцы — паліцыя разбіраецца
Кіроўца занепакоіўся, калі заўважыў, што валізка рухаецца. Калі ён адкрыў валізку, унутры была двухгадовая дзяўчынка
У Новай Зеландыі арыштавалі жанчыну, у багажы якой падчас паездкі аўтобусам знайшлі двухгадовую дзяўчынку, паведамляе Бі-бі-сі.
Паліцыя паведаміла, што праваахоўнікаў выклікалі на аўтобусны прыпынак у Кайваці — мястэчку на поўначы краіны — у нядзелю.
«Кіроўца занепакоіўся, калі заўважыў, што валізка рухаецца. Калі ён адкрыў валізку, унутры была двухгадовая дзяўчынка», — гаворыцца ў заяве паліцыі.
27-гадовую жанчыну арыштавалі і выставілі абвінавачанне ў жорсткім абыходжанні з дзіцём.
«Дзіця было разгарачаным, але ў цэлым выглядала фізічна непашкоджаным», — адзначылі ў паліцыі. Яе даставілі ў бальніцу, дзе яна праходзіць медыцынскае абследаванне.
Пра тое, якая сувязь была паміж жанчынай і дзіцём, не паведамляецца.
Жанчына павінна з’явіцца перад акруговым судом Норт-Шор.
«Мы хочам выказаць удзячнасць і кіроўцу аўтобуса, які западозрыў нешта дрэннае і неадкладна адрэагаваў, прадухіліўшы патэнцыйна значна трагічнейшыя наступствы», — дадалі ў паліцыі.
-
Трамп хоча пазбавіць права голасу ў НАТА тыя краіны, якія трацяць на абарону менш за 5% ВУП
-
Зяленскі: Пакуль перанакіравання зброі з Украіны на Блізкі Усход няма, а там пабачым
-
Рысь, якая гуляе, мядзведзь і фламінга на фоне правадоў. За каго галасавалі гледачы на конкурсе «Фатограф дзікай прыроды года»
Цяпер чытаюць
Вынеслі прысуд Паліне Зыль — блогерцы, якая стала нулявым пацыентам справы Гаюна, бо ў яе знайшлі тую самую спасылку ад Матолькі15
Каментары