За першыя сем месяцаў 2025 года арганізацыі лясной галіны Беларусі вырабілі і прадалі 94 драўляныя хаты і 60 лазняў — столькі ж, колькі за ўвесь мінулы год, паведамляе прэс-служба Міністэрства лясной гаспадаркі.
Найбольшай папулярнасцю ў беларусаў цяпер карыстаюцца хаты з сухога габляванага бруса — прададзена 56 такіх домакомплектаў. На другім месцы — хаты з сырых ацыліндраваных бярвёнаў (34 адзінкі), на трэцім — з сырога прафіляванага бруса (4 адзінкі).
Пры гэтым яшчэ два гады таму лідзіравалі хаты з сырых бярвёнаў, але цяпер беларусы ўсё часцей выбіраюць больш дарагія, але адразу гатовыя да жыцця ў іх варыянты, каб не чакаць, пакуль хата дасць усадку.
Таксама адзначаецца, што фірмовыя гандлёвыя пляцоўкі Мінлясгаса павялічылі выручку на 65% у параўнанні з аналагічным перыядам летась. За 7 месяцаў арганізацыі ўжо зарабілі больш за 20,5 мільёна рублёў ад рознічнага продажу.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары