У цэнтральным Мазавецкім ваяводстве зараз знаходзіцца больш за 250 тысяч легальных імігрантаў, з якіх большасць — у Варшаве. У Варшаве ў 2024 годзе Упраўленне па справах замежнікаў выдала больш за 150 тысяч дазволаў на знаходжанне для замежнікаў, паведамляе Памежная служба.
Найбуйнейшую групу складаюць грамадзяне Украіны і Беларусі. Сярод іх пераважаюць асобы ва ўзросце 20—59 гадоў, што сведчыць пра тое, што Варшава — гэта перш за ўсё горад, у якім замежнікі пасяляюцца з прафесійных або адукацыйных прычын. Значны ўплыў на міграцыю аказвае палітычная сітуацыя ў Беларусі, а таксама вайна ва Украіне.
Усяго ў Мазавецкім ваяводстве афіцыйна зарэгістравана замежнікаў:
- Украіна: 116 866
- Беларусь: 53 625
- Індыя: 8 504
- В’етнам: 8 049
- Іншыя краіны: 63 383
Усяго насельніцтва Мазавецкага ваяводства на канец 2024 года складала 5,5 млн чалавек, у тым ліку ў Варшаве жыве 1,8 млн чалавек.
Каментары
Шариками революцию не делают. Свобода растет на крови. Пушистые кролики оказались наивными детьми.