Французскі трэш-блогер памёр у жывым эфіры падчас дзесяцідзённага марафону
Французскі трэш-стрымер Рафаэль Грэйвен, вядомы ў інтэрнэце пад псеўданімам Jean Pormanove, памёр падчас дзесяцідзённага марафону ў жывым эфіры. Ён меў каля паўмільёна падпісчыкаў і вядомы тым, што на ягоных эфірах адбываліся вельмі жорсткія эксперыменты і пакуты за данаты гледачоў.
На жывых эфірах з удзелам Рафаэля Грэйвена яго білі, душылі, аблівалі фарбай і нават хадзілі па ім — і ўсё гэта адбывалася на вачах тысяч людзей.
18 жніўня, падчас чарговага дня дзесяцідзённага марафону, Грэйвен ляжаў на матрацы, захутаны коўдрай, з цяжкасцю дыхаў, а ўрэшце перастаў дыхаць увогуле і памёр.
Іншыя трэш-стрымеры, якія бралі ўдзел у эфіры, спачатку былі незадаволеныя хрыпеннем Грэйвена, пасля паспрабавалі яго разбудзіць, б'ючы па шчоках, але безвынікова. Трансляцыю спынілі толькі пасля таго, як стала відавочна, што стрымер да прытомнасці не прыйдзе.
Міністарка ўрада Францыі Клара Шапаз назвала смерць стрымера «абсалютным жахам». Пракуратура Ніцы распачала расследаванне і прызначыла судова-медыцынскую экспертызу, каб вызначыць дакладную прычыну смерці.
Платформа Kick, на якой адбываліся эфіры, цяпер тэрмінова пераглядае правілы супольнасці, каб падобныя інцыдэнты не паўтарыліся. А пахаванне Рафаэля Грэйвена прафінансуюць рэпер Дрэйк і амерыканскі стрымер Адзін Рос.
Падобная сітуацыя адбылася ў лістападзе 2023 года ў Віцебску. Тады на мясцовым канале «Околоконторы» праходзіў стрым, які скончыўся трагедыяй. У анонсе трансляцыі ўдзельнікі заяўлялі, што гатовыя за грошы рабіць любыя заданні, у тым ліку выпіць нагбом бутэльку гарэлкі. У выніку адзін з удзельнікаў не разлічыў свае сілы.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»37
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
И гляжу - кумовья поджидают меня.
Пнули труп: "Сдох, скотина! Нету проку с него:
За поимку полтина, а за смерть - ничего"