«Ён проста сіні ўжо». У Віцебску падчас трэш-стрыму памёр чалавек
У Віцебску некалькі гадоў існуе некалькі каналаў на ютубе пра жыццё мясцовых прыхільнікаў азартных гульняў. Паміж ролікамі пра падарожжы, паходы на футбол і розныя даволі бяскрыўдныя актыўнасці, арганізатары ладзілі трэш-стрымы, падчас якіх удзельнікі за грошы пілі алкаголь і рабілі розныя заданні. Чарговая трансляцыя скончылася трагедыяй.
Адзін з такіх каналаў называецца «Околоконторы», у ім крыху менш за 5 тысяч падпісчыкаў. Ён адгалінаваўся ад больш паспяховага канала «Джэнтльмены фартуны» з 56,5 тысячы, але героі ў абодвух каналаў адныя і тыя ж — віцебскія лудаманы і алкаголікі.
Учора ўвечары на канале праходзіў стрым, які скончыўся трагедыяй. У анонсе трансляцыі ўдзельнікі заяўлялі, што гатовыя за грошы рабіць любыя заданні, у тым ліку выпіць нагбом бутэльку гарэлкі.
Адзін з удзельнікаў зрабіў гэта і адразу страціў прытомнасць. Яго паклалі на канапу і працягнулі стрым. Праз працяглы час гледачы заўважылі, што чалавек пасінеў, але ніхто не рэагаваў.
Калі звярнулі ўвагу, было ўжо запозна. Запіс трансляцыі з каналу аператыўна выдалілі, але па тэлеграм-каналах распаўсюджваюцца відэа, як чалавека спрабуюць рэанімаваць.
Раніцай на каналах з'явіліся спачуванні з нагоды смерці Аляксея Куціса па мянушцы Шлюзберы.
Цяпер чытаюць
23‑гадовага афіцэра брыгады спецназа асудзілі на 19 гадоў за «здраду дзяржаве»13
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары
Могилев? Гомель? Брест?
я во многих городах наших побывала. здоровья вам, мужики
[у меня здоровья уже просто нет]