Амерыканская спявачка Тэйлар Свіфт абвясціла, што заручылася з зоркай амерыканскага футбола Трэвісам Келсі, які выступае за клуб «Канзас-Сіці Чыфс» і тройчы выйграваў Супербоўл. Пра гэта яна паведаміла ў інстаграме, дзе паказала сумесныя фота з каханым і заручальны пярсцёнак на пальцы.
І Тэйлар, і Трэвісу цяпер па 35 гадоў, а сустракацца яны пачалі ў 2023-м. З таго часу Свіфт рэгулярна наведвала матчы Келсі, а яго папулярнасць імкліва вырасла: продажы футболак з ягоным прозвішчам узляцелі на 400%, квіткі на гульні «Чыфс» сталі больш запатрабаванымі, а ягоны падкаст трапіў у топы Apple і Spotify.
Тэйлар Свіфт з’яўляецца адной з самых паспяховых і вядомых артыстак у свеце: яна мае 14 «Грэмі», званне «Выканаўца дзесяцігоддзя» ад American Music Awards і ўзнагароду Billboard «Жанчына дзесяцігоддзя». У 2023 годзе яе маёмасць перавысіла 1 мільярд долараў дзякуючы грандыёзнаму туру Eras, які, паводле інфармацыі агенцтва Bloomberg, нават павялічыў ВУП ЗША на некалькі мільярдаў.
У тым жа годзе спявачка атрымала тытул «Чалавек года» паводле інфармацыі выдання Time, абышоўшы сусветных палітычных лідараў і нават ляльку Барбі. А на канцэртах у Сіэтле фанаты стварылі сейсмічныя ваганні, што былі супастаўныя з землятрусам у 2,3 бала.
Што да Трэвіса Келсі, то ён уваходзіць у лік найлепшых гульцоў у гісторыі на пазіцыі тайт-энда і мае тры перамогі ў Супербоўле — у 2020, 2023 і 2024 гадах.
Цяпер чытаюць
Лукашэнка: Што творыцца ў краіне, у нас усе гэтую гусь круцяць22
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5757
Каментары