У Беларусі завяршыліся сумесныя вучэнні Калектыўных сіл аператыўнага рэагавання АДКБ. У іх бралі ўдзел больш за дзве тысячы вайскоўцаў і спецпадраздзяленні, было задзейнічана каля 450 адзінак тэхнікі і ўзбраення, паведамляе прэс-служба Міністэрства абароны.
Міністр абароны Беларусі Віктар Хрэнін паведаміў, што падчас вучэнняў адначасова адпрацоўваліся тры сцэнары — «Узаемадзеянне», «Пошук» і «Эшалон». Асноўная ідэя — мадэляванне сітуацыі, калі ў рэгіёне ўзнікае пагроза гібрыднай агрэсіі і войскі павінны змагацца з дыверсійнымі групамі, незаконнымі ўзброенымі фармаваннямі, а таксама ўдзельнічаць у стабілізацыйных аперацыях.
Хрэнін адзначыў, што вучэнні паказалі высокі ўзровень узгодненасці паміж кантынгентамі, хоць яшчэ і ёсць куды расці. Ён падкрэсліў, што гэта вынік больш як 80 сумесных вучэнняў АДКБ за апошнія 15 гадоў.
Таксама міністр нагадаў, што асновы ўзаемадзеяння ўжо правяраліся падчас аперацыі ў Казахстане ў студзені 2022 года. Ён назваў сітуацыю каля межаў АДКБ складанай і абвінаваціў Захад у падтрыманні канфлікту ва Украіне.
Генеральны сакратар АДКБ Імангалі Тасмагамбетаў заявіў, што вучэнні прадэманстравалі гатоўнасць Калектыўных сіл своечасова рэагаваць на пагрозы. Ён падкрэсліў, што ўсе пастаўленыя баявыя задачы выкананы.
Начальнік Генштаба Беларусі Павел Муравейка ацаніў вучэнні на «выдатна», адзначыўшы высокую якасць падрыхтоўкі і дзеянняў усіх падраздзяленняў.
Цяпер чытаюць
«Кайлас, я іду». Што за беларуска знікла ў жудасным селі ў Непале11
Каментары