Сярод палітвязняў, вызваленых 11 верасня — 73-гадовы прафсаюзны лідар Аляксандр Ярашук.
Аляксандр Ярашук — старшыня Беларускага кангрэсу дэмакратычных прафсаюзаў, які аб'ядноўваў некалькі незалежных прафесійных саюзаў: Свабодны прафсаюз Беларускі (СПБ), Свабодны прафсаюз металістаў (СПМ), Беларускі прафсаюз работнікаў радыёэлектроннай прамысловасці (РЭП) і Беларускі незалежны прафсаюз (БНП).
Ярашук нарадзіўся ў Камянецкім раёне, працаваў у сельскай гаспадарцы, да 1991 года працаваў у розных гаспадарках Брэсцкай вобласці.
У 1991 годзе стаў загадчыкам аддзела аграрнай палітыкі ЦК КПБ, затым — намеснікам начальніка галоўнага ўпраўлення Міністэрства сельскай гаспадаркі і харчавання (1991—1996). У 1996—1998 быў першым намеснікам старшыні Мінскага аблвыканкама, у 1998—1999 — старшынёй абласнога камітэта прыродных рэсурсаў.
З 1999 года ўзначальваў прафсаюз работнікаў АПК у складзе ФПБ. У 2001 годзе спрабаваў балатавацца на прэзідэнта, але не быў зарэгістраваны.
З 2002 года быў старшынёй Беларускага кангрэса дэмакратычных прафсаюзаў, у 2011 годзе абраны ў Адміністрацыйны савет Міжнароднай арганізацыі працы.
19 красавіка 2022 года дома ў Ярашука і на ягонай працы прайшлі вобшукі, яго затрымалі і змясцілі ў СІЗА. Спачатку прафсаюзнага дзеяча абвінавацілі па арт. 342 КК (групавыя дзеянні, што парушаюць грамадскі парадак), пазней — па арт. 361 (заклікі да санкцый).
20—26 снежня 2022 года ў Мінскім гарадскім судзе адбыўся суд, дзе Ярашук атрымаў 4 гады калоніі агульнага рэжыму. У сакавіку 2023 г. яго перавялі ў магілёўскую турму № 4, пасля — у калонію № 17 у Шклове.
Цяпер чытаюць
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку45
Каментары