Сёння ў Стакгольме назвалі нобелеўскіх лаўрэатаў па фізіцы. Нобелеўская прэмія прысуджана Джону Кларку, Мішэлю Х. Дэварэ і Джону М. Марцінісу «за адкрыццё макраскапічнага квантава-механічнага тунэлявання і квантавання энергіі ў электрычным ланцугу».
Учора былі абвешчаныя нобелеўскія лаўрэаты па медыцыне і фізіялогіі. Імі сталі Мэры Э. Бранкоу, Фрэд Рамсдэл і Шыман Сакагучы. Прэмію ўручаць «за іх адкрыцці, якія тычацца перыферычнай імуннай талерантнасці»
У сераду будзе названы нобелеўскі лаўрэат па хіміі, у чацвер — па літаратуры.
У пятніцу абвесцяць лаўрэата Нобелеўскай прэміі міру, у наступны панядзелак — па эканоміцы.
У 2015 годзе нобелеўскім лаўрэатам па літаратуры стала беларуская пісьменніца Святлана Алексіевіч, а ў 2022 годзе нобелеўскую прэмію міру прысудзілі праваабаронцу Алесю Бяляцкаму, які ў той час быў у СІЗА, а цяпер адбывае 10 гадоў калоніі.
Цяпер чытаюць
Ціханоўская едзе ў Нью-Ёрк. Яна можа перасекчыся з прадстаўнікамі Лукашэнкі, але галоўную інтрыгу пакуль не раскрываюць15
Каментары