Па трасе М1 везлі гіганцкага зубра. TikTok гадае, куды ён накіроўваецца
Відэа з гіганцкай фігурай зубра, якую перавозілі па трасе М1, за суткі набрала ў тыктоку больш за 160 тысяч праглядаў. Карыстальнікі абмяркоўваюць, куды менавіта вязуць незвычайную скульптуру і хто стварыў такую работу, піша выданне «Першы».
На кадрах відаць, як па трасе М1 вязуць вялізнага металічнага зубра, сабранага з запчастак і ліставога жалеза. Відэа імгненна стала вірусным, а каментатары не стрымлівалі эмоцый.
«Гэтыя статуі з металу і розных запчастак — проста космас! А той, хто іх робіць, сапраўдны майстар сваёй справы! Брава!», — піша адзін з карыстальнікаў.
Іншыя дадаюць:
«Адно пытанне: дзе яго паставяць?»;
«У Грэцыі быў траянскі конь, а тут — мега быкі, як з гульні Horizon!»;
«Нерэальна крута!!!»;
«У нас такі толькі мядзведзь стаіць на запраўцы!»
Некаторыя гледачы выказалі здагадку, што фігура прызначаная для Баранавіцкага аўтаагрэгатнага завода, дзе раней ужо ставілі буйныя арт-аб'екты з металу.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары