У Польшчы заяву Івана Церцеля аб дыялогу спецслужбаў дзвюх краін пракаментавалі шасцю кароткімі словамі
Старшыня КДБ учора заявіў, што Беларусь вядзе дыялог з суседнімі еўрапейскімі краінамі і выходзіць у ім на «разуменне ўзаемных інтарэсаў».
Іван Церцель учора, каментуючы нараду ў Лукашэнкі, cказаў наступнае: «Вядома ж, адносіны з нашымі суседзямі (абмяркоўваліся). Гэта Польшча традыцыйна, гэта Прыбалтыка. Напэўна, не будзе вялікай таямніцай сказаць, што ў нас ёсць каналы зносін з нашымі партнёрамі. Гэты дыялог вядзецца. І ў тым ліку па лініі спецслужбаў. Я б сказаў, што паразуменне паміж намі паволі наладжваецца. Мы абмяркоўваем вострыя пытанні і недзе выходзім на разуменне ўзаемных інтарэсаў».
Польскае медыя Fakt папрасіла пракаментаваць гэтую заяву прэс-сакратара міністра-каардынатара па справах спецыяльных службаў Польшчы Яцэка Дабжыньскага.
«Мне нічога пра гэта не вядома», — адказаў той лаканічна.
Нагадаем, што ўчора, 14 кастрычніка, Лукашэнка на нарадзе, у якой бралі ўдзел, апроч Церцеля, дзяржсакратар Рады бяспекі Аляксандр Вальфовіч, генпракурор Андрэй Швед, прэм'ер-міністр Аляксандр Турчын і кіраўнік Адміністрацыі Дзмітрый Круты, заявіў, што афіцыйны Мінск гатовы на вялікую здзелку з ЗША.
«Будзем чакаць іх [амерыканцаў] прапановы глабальныя, вялікай здзелкі, як яны ўмеюць казаць (любяць яны гэтыя вялікія здзелкі). Мы да гэтага гатовыя. Мы гатовыя з імі заключыць вялікую здзелку. На адной шалі іх пытанні, просьбы і патрабаванні, на другой шалі — нашы пытанні і патрабаванні. Рашаем? Давайце будзем вырашаць. Мы да гэтага гатовыя.
Прапановы Дональда Трампа ў гэтым плане я абсалютна ацэньваю нармальна. Але павінны быць улічаныя і нашы інтарэсы. І ўсё павінна быць шчыра, як калісьці мы з амерыканцамі дамовіліся», — сказаў Лукашэнка.
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары