Прафсаюзы арганізавалі маршы пратэсту ў цэнтры Афінаў і ў іншых буйных гарадах краіны.
У аўторак днём на Плошчы Канстытуцыі ў цэнтры Афін, перад будынкам грэчаскага парламента, прайшлі пратэстныя мітынгі ў рамках 24‑гадзіннай агульнанацыянальнай забастоўкі Вышэйшай адміністрацыі прафсаюзаў муніцыпальных служачых (ADEDY), якая выступае супраць новай працоўнай рэформы, паведамляе Euronews.
Асноўнае патрабаванне — адкліканне законапраекта аб магчымым 13‑гадзінным працоўным дні і патрабаванне сістэмы 7 гадзін / 5 дзён / 35 гадзін (працоўны тыдзень).
У той жа час ADEDY патрабуе аднаўлення 13‑га і 14‑га заробкаў, істотнага павышэння аплаты працы, заключэння калектыўных працоўных дагавораў, у тым ліку ў дзяржаўным сектары, пастаяннай і стабільнай працы для ўсіх і іншае.
Прапанаваны законапраект захоўвае 40‑гадзінны тыдзень як норму, але дазваляе працадаўцам устанаўліваць для супрацоўнікаў да 13 працоўных гадзін у дзень не больш за 37,5 дзён у годзе. Пры гэтым звышнарматыўная праца павінна аплачвацца па падвышаных стаўках.
Міністэрства працы падкрэслівае, што новы графік будзе добраахвотным, аднак прафсаюзы баяцца, што пры слабым кантролі працадаўцы змогуць навязваць працоўным дадатковыя гадзіны.
-
Урад Чэхіі пазбаўляе грамадскія медыя фінансавай незалежнасці. У адказ у Празе пачаўся найбуйнейшы пратэст з 1989 года
-
Эстонія закрывае мяжу з Расіяй з 1 снежня. Прычынай стала спроба ГРУ падпаліць абаронны завод
-
Пяць краін ЕС адкрываюць у Руандзе лагер для дэпартаваных мігрантаў. Раней Брытанія страціла на падобнай схеме амаль мільярд даляраў
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал15
Каментары