У Докшыцах епіскапа сустрэлі дываном з жывых кветак. У тыктоку абурыліся
У царкве ў Докшыцах прайшло прастольнае свята Пакрова Багародзіцы, якое адзначаюць 14 кастрычніка. Да прыезду епіскапа Полацкага і Глыбоцкага Ігнація прыхаджане выклалі велізарны дыван з жывых кветак. Гэта выклікала бурную рэакцыю ў карыстальнікаў тыктоку, заўважыла BGmedia.
Некаторыя людзі абураліся дываном з жывых кветак, лічылі такія выдаткі непатрэбнымі.
«Лепш бы бедным купілі паесці за грошы, якія выдаткавалі на гэтыя аднаразовыя кветкі для ног дзядзькі з палкай», — пісалі адны.
«Навошта ўсё гэта? Уладыка што, Бог? Гэта ўжо перабор!», — абураліся каментатары.
Іншыя заступаліся за вернікаў:
«Гэтыя кветкі яны вырошчваюць самі, людзі ад душы прыносяць кветкі, дзякуюць Богу і ўсім святым, менавіта храмы і манастыры кормяць бяздомных, дзетак бездаглядных выхоўваюць, людзям бяздомным прытулак даюць, самі ўтрымліваюць, бясплатна абсалютна, а яны працуюць на карысць храма, прыбіраюць, гатуюць, глядзяць за тэрыторыяй, за парадкам, а вы не будзьце дробязнымі і нікога не асуджайце».
Людзі ў каментарах, аднак, надалей спрачаліся — ці нармальна хадзіць па дыване з жывых кветак, тым больш епіскапу, бо «ён жа манах, і раскоша яму павінна быць чужая».
«Накшталт дывана, але, калі прыгледзецца, ён, наадварот, стараўся не наступаць на кветкі, а хадзіў па сцёблах».
«Па асфальце яму нельга было прайсці?»
«Веліч біскупа — гэта сведчанне велічы яго дыяцэзіі. Калі епіскап будзе жыць сціпла, то і ўсё духавенства будзе бедаваць. А тут відаць, што дыяцэзія цвіце і пахне».
«Класная рэлігія — усе роўныя, усіх стварыў Бог, але святар — уладыка, а нявернікі ды адступнікі трапяць у пекла, класнае раўнапраўе».
«Абавязак епіскапа — служыць службу, чаму прыход павінен марнатраўна выдаткоўваць сродкі вернікаў, каб залагодзіць аднаго чалавека? Вядома, мы прызнаем яго апостальскае прыёмства і дзякуй, што прыехаў маліцца з людзьмі, і паважаем яго як чалавека, але апосталы не былі такімі, як сённяшні епіскапат».
«Мне падалося, ён па стале з салатамі ідзе».
«Пад ногі ахвяраванні вернікаў. Лепш бы дзіцячаму прытулку дапамаглі».
«Праваслаўныя цэрквы ў Заходняй Беларусі закрываліся». А колькі ж было цэркваў у БССР і колькі — у Заходняй Беларусі па стане на 1939 год?
Праваслаўны архіепіскап, які вітаў Пуціна на Алясцы, папрасіў за гэта прабачэння
У Гомелі паставілі памятны знак праваслаўнаму архіепіскапу
РПЦ асвяціла харугву ГУБАЗіКа ФОТАФАКТ
У Наваполацку РПЦ адкрые спецыяльны храм для дзяцей
Цяпер чытаюць
У Драздах выставілі на продаж катэдж з рэкорднай цаной — $7,5 мільёна ШМАТ ФОТА3
Каментары