Праваслаўны архіепіскап, які вітаў Пуціна на Алясцы, папрасіў за гэта прабачэння
Праваслаўны мітрапаліт усёй Амерыкі і Канады Ціхан (у свецкім жыцці Марк Молард) паведаміў, што атрымаў афіцыйную заяву з прабачэннямі ад архіепіскапа Сіткінскага і Аляскінскага Аляксея (Джона Трэйдара) у сувязі з апошнімі падзеямі ў ягонай епархіі. Падчас прыезду на Аляску прэзідэнта Расіі Уладзіміра Пуціна Аляксей сустрэўся з ім і меў размову.
Мітрапаліт Ціхан у сваім паведамленні удакладніў, што сустрэча, пра якую ідзе гаворка ў заяве архіепіскапа Аляксея, была арганізаваная па ягонай уласнай ініцыятыве, без дазволу Сінода і без ведама мітрапаліта.
Ціхан падкрэсліў, што паводле канонаў епіскап не павінен рабіць такіх дзеянняў без ведама старэйшага іерарха. Таму ўчынак архіепіскапа Аляксея не адлюстроўвае пазіцыю Праваслаўнай Царквы ў Амерыцы (ПЦА). Мітрапаліт нагадаў, што з пачатку вайны ПЦА адкрыта і неаднаразова асуджала агрэсію супраць Украіны, малілася за мір і аказвала дапамогу пацярпелым.
Архіепіскап Аляксей у сваёй заяве папрасіў прабачэння за боль, замяшанне і спакусы, якія маглі выклікаць яго дзеянні. Ён падкрэсліў, што гэта не азначае змены пазіцыі ПЦА адносна вайны ва Украіне і што ён як член Сінода падпарадкоўваецца яго рашэнням.
Аляксей паведаміў, што на мінулым тыдні падчас саміту ў Анкорыджы прывітаў прэзідэнта Расіі Уладзіміра Пуціна ў духу гасціннасці пасля трох дзён малітваў за мір у епархіі. Але многія ўспрынялі гэты жэст як страчаную магчымасць адкрыта запатрабаваць спынення вайны. Архіепіскап прызнаў гэту памылку і яшчэ раз папрасіў прабачэння ў тых, хто быў засмучаны ці пакрыўджаны яго дзеяннямі, асабліва ў тых, хто страціў блізкіх у вайне.
Ён падкрэсліў, што бярэ на сябе поўную адказнасць за гэты выпадак і запэўніў, што Царква працягвае заклікаць вернікаў да малітвы, міласэрнасці, міру і прымірэння. На Алясцы, дадаў архіепіскап, асобныя дні прысвячаюцца адпаведным малітвам, а таксама святыя, якія калісьці служылі на гэтай зямлі, заклікаюцца да спрыяння, каб хутчэй прыйшоў мір.
На заканчэнне сваёй заявы ён яшчэ раз звярнуўся з просьбай аб прабачэнні і прамовіў малітву, каб Ісус Хрыстос як мага хутчэй спыніў кровапраліцце, суцешыў тых, хто страціў родных, вярнуў выгнаных і прынёс прымірэнне паміж людзьмі.
Праз санкцыі расійскай дэлегацыі давялося на Алясцы аплачваць паліва для самалётаў гатоўкай. А гэта сотні тысяч даляраў
Трамп прывітаў Пуціна на Алясцы бамбардзіроўшчыкамі, што бамбілі Іран
Трамп перадаў Пуціну ліст ад Меланіі пра ўкраінскіх дзяцей
Нямецкі дыпламат: Пуцін перамог на перамовах з Трампам
Пуцін і Трамп скончылі перамовы. Трамп заявіў, што здзелкі пакуль няма
Цяпер чытаюць
Адцісканні з татам, урокі з мамай. Як жыве і вучыцца сям’я Севярынцаў у Вільні4
Каментары