Кампанія Michelin, акрамя рэстаранаў, пачала адзначаць па ўсім свеце найлепшыя гатэлі, выдаючы ім мішленаўскія ключы Michelin Keys. Цырымонія ўручэння першых ключоў адбылася ў Парыжы, паведамляе Bloomberg.
Тры ключы ад Michelin атрымліваюць самыя раскошныя гатэлі, якія «песцяць сваіх гасцей і ставяцца да іх як да каралеўскіх асоб». Два ключы прысуджаюць тым, хто забяспечвае «асаблівы камфорт і незабыўныя ўражанні». Адзін ключ даюць за адметнасць і крэатыўнасць.
У 2025 годзе адзін ключ атрымалі 1742 гатэлі, два — 572, а тры — 143.
Сярод гатэляў, адзначаных трыма ключамі, — Four Seasons Hotel Istanbul у гістарычным раёне Султанахмет у Турцыі, The Surrey у Нью-Ёрку, Boys Hall у англійскім замку XVII стагоддзя і Nayara Springs у Коста-Рыцы (гатэль толькі для дарослых).
Два ключы атрымалі такія ўстановы, як The Burman Hotel у Старым Таліне, Golden Rock Inn Nevis у астраўной дзяржаве Сент-Кітс і Невіс, Alila Jabal Akhdar у Амане і Thorngrove Manor у Аўстраліі.
Гатэль Atlantis The Royal у ААЭ прызналі найлепшым за архітэктуру і дызайн. Сярод іншых у гэтай катэгорыі — Rosewood São Paulo ў Бразіліі, Shabara Resort у Саудаўскай Аравіі, Benesse House у Японіі і Villa Nai 3.3 у Харватыі.
Найлепшым спа-гатэлем стаў Bürgenstock Resort у Швейцарыі. На цырымоніі ў гэтай катэгорыі адзначылі таксама Canyon Ranch Tucson у ЗША, Joali Being на Мальдывах, Lily Of The Valley у Францыі і The Retreat at Blue Lagoon у Ісландыі.
Сярод гатэляў, якія заглыбляюць у культуру рэгіёну, вылучылі La Fiermontina Ocean у Марока, Zannier Sonop у Намібіі, Tierra Patagonia Hotel & Spa у Чылі, Longitude 131 у Аўстраліі і Post Ranch Inn у ЗША.
Адкрыццём года стаў The Burman Hotel у Эстоніі, а таксама Aman Nai Lert Bangkok у Тайландзе, Collegio alla Querce у Італіі, Le Mouflon D'or у Францыі і Cheval Blanc Seychelles на Сэйшэлах.
Беларуску прызначылі кіраваць замкам у Францыі
Што за гатэль, у якім спыняўся Пуцін у Кітаі і куды запрашаў Лукашэнку
Блогер параўнаў кошт адпачынку ў санаторыі «Радон» з паездкай на кітайскі востраў Хайнань — і быў шакаваны
«Тым, хто настальгуе па саўку, спадабаецца». Блогер пераначаваў у найгоршых гатэлях Беларусі і падзяліўся ўражаннямі
КНДР адкрыла курорт «сусветнага класа». Ён можа быць арыентаваны на расійскіх турыстаў ФОТЫ
Пяць люксавых гатэляў Беларусі, якія знаходзяцца ў невялікіх гарадах. Вы дакладна пра іх не ведалі
Цяпер чытаюць
«Я супрацоўніца КДБ, у вас будуць праблемы». Мінчанка хацела напісаць скаргу ў оптыцы, але супрацоўніца паказала корачку3
Каментары