У Латвіі завялі крымінальную справу на мужчыну, які абражаў у цягніку ў Швейцарыі ўкраінска-беларускую сям'ю
Служба дзяржаўнай бяспекі 17 кастрычніка распачала крымінальны працэс у дачыненні да жыхара Латвіі, які ў Швейцарыі здзейсніў вусную атаку на беларуска-ўкраінскую сям’ю.
Крымінальны працэс распачаты ў адпаведнасці з часткай трэцяй артыкула 78 Крымінальнага закона Латвіі: па факце дзеянняў, накіраваных на распальванне нацыянальнай і этнічнай варожасці і нянавісці супраць украінцаў, звязаных з гвалтам і пагрозамі.
Размова вядзецца пра грамадзяніна Латвіі Аляксандра В., піша Delfi.lv.
Інцыдэнт адбыўся ў пачатку тыдня.
Сям’я — Алена Дуднік і Габрыель Шароў — з малым дзіцём ехала ў цягніку Інтэрлакен — Шпіц (Швейцарыя), калі рускамоўны мужчына, які сядзеў па суседстве, пачаў агрэсіўна чапляцца да іх. Яго абурыла ўкраінская мова. Алена — украінка, яе муж — ураджэнец Беларусі. Алена размаўляла па-ўкраінску. Калі мужчына пачаў кідацца на пару, Алена запісала інцыдэнт на відэа.
Рускамоўны мужчына лаяўся матам, не саромеючыся ў выразах. Казаў: «Я рускі чалавек, мы вас усіх будзем забіваць. І цябе, і цябе, і цябе», паказваючы пальцам на сям’ю.
Пасля ён чапляўся да Габрыеля і пытаўся: «чаму ты не ў акопе», патрабаваў паказаць швейцарскі пашпарт і выказваў адкрытую падтрымку расійскай агрэсіі ва Украіне.
«Мы ехалі цягніком, зайшлі ў вагон, паставілі вазок, сын у мяне быў на руках, я пачаў шукаць месца, каб сесці. Пасля мы селі, жонка папрасіла мяне па-ўкраінску нешта ўзяць. Ён гэта пачуў і пачаў сварыцца нецэнзурнай лаянкай. Жонка адразу ўключыла тэлефон і пачала здымаць. Я гаварыў на «Вы», намагаўся яго супакоіць, паказваў яму, што там шмат турыстаў, ёсць дзеці. Ён выбіў тэлефон з рук у жонкі, устаў і я зрэагаваў — адштурхнуў яго. Жонка з дзіцём адышлі далей, а я не стрымаўся і пару разоў даў па шыі», — расказвае Габрыель.
Іншыя пасажыры дапамаглі Габрыелю выклікаць паліцыю. Агрэсар гэта зразумеў і пачаў хавацца ў цягніку. Паліцыя яго знайшла і вывела адтуль. Пасля гэты мужчына пагражаў сям’і і патрабаваў 10 000 швейцарскіх франкаў (каля 12 540 даляраў) — альбо ён напіша заяву на Габрыеля. Цяпер ідзе разбіральніцтва з паліцыяй, яны чакаюць матэрыял з відэакамер у цягніку.
«Як я зразумеў, ён напісаў заяву, што я яму нібыта нешта фізічна зрабіў. У цягніку быў поўны вагон, кітайскія турысты закрыліся ў прыбіральні з дзецьмі, там быў цэлы кіпіш», — расказвае Габрыель.
-
«З мяне нічога не возьмеш, а людзі пацярпелі». Пара пенсіянераў другі год не можа выпісаць з мінскай кватэры шматдзетную сям'ю эмігрантаў
-
Беларус, узяты ў палон украінцамі, звярнуўся да Лукашэнкі з просьбай закінуць за яго слоўца перад Пуціным
-
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ3
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»2929
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»29
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары
І не мае сэнсу які пашпарт ў кішэні ў гэтых маскавітаў-рускамірцаў ці Швейцарыі, ці Латвіі, ці іншай краіны.
Мова - зброя супраць імперскага маскоўскага шавянізму.