Топ беларускіх швэдраў на любы густ — з Палессем, слуцкімі паясамі ці лялькамі-абярэгамі
Калі вы яшчэ не паспелі ўцяпліцца, то самы час, бо да вясны чакае сыравата-золкае надвор’е, віскуцень і шэрасць з рэдкім гасцяваннем сонца. Трымайце варыянты швэдраў, худзі і світшотаў на любы густ (усіх іх аб’ядноўвае беларускі каларыт).
Досыць новы брэнд Zuza закрывае патрэбу міленіялаў і зумераў у вялікіх, «бацькавых» аверсайз-швэдрах, нібыта купленых на рынку 90-х, і ад таго больш цёплых і ўтульных.
Стваральнік брэнда Андрэй Трацяк падумаў, чаму ніхто на беларускім рынку не робіць нешта падобнае, але сучаснае і з фальклорнай эстэтыкай — так нарадзіўся першы швэдар «Таямніца Палесся».
Нядаўна з'явіўся і другі дызайн, натхнёны лясной міфалогіяй і казкамі пра хатку на курыных ножках.
Кошт: 295 BYN
Беларусь сінявокая, краіна азёраў і рэчак — вучаць школьнікаў з першых класаў. Замацаваць гэта брэнд Paula прапануе ў сябе на грудзях.
Іх калекцыя «Мілы дроп» прысвечаная найперш нашым вядомым азёрам і рэчкам.
Кошт: 259 BYN
У LSTR Adziennie прапануюць цудоўнае худзі з матывамі палотнаў мастачкі Алены Кіш і світшот, прысвечаны cлуцкім паясам.
Кошт: світшот — 160 BYN, худзі — 180 BYN
Працягваючы тэму ўтульных баек, якія ўпісваюцца і ў спартовы, і ў кэжуал стыль, немагчыма прайсці міма дызайнаў брэнда Honar.
Які ў вас сёння настрой — рэтра-настальгічны, каб пазгадваць старыя беларускія грошы з зайчыкамі? Ці меланхалічна-дзэнаўскі, з пахам вёскі і фірмовых страваў з печкі бабулі?
Кошт: 149 BYN
Яркія і ўнікальныя рэчы — у адзіным экзэмпляры — стварае Святлана Станкевіч. У яе партфоліа як швэдры з матывамі беларускіх дываноў, так і з арнаментам, бусламі, бурачкамі ці лялькамі-абярагамі (а яшчэ — з пазнавальнымі ўжо чэлесамі).
Кошт: індывідуальны, у залежнасці ад складанасці дызайну
Бонус
Дэталлю, што вылучыць вас у натоўпе, стануць аксесуары, якія дадаткова працуюць на захаванне цяпла.
Раім звярнуць увагу на рэчы ад Кацярыны Пятровіч. Яе манішкі ці хусткі з вышыўкай дакладна прынясуць вам званне стылягі раёна.
Кошт: індывідуальны, у залежнасці ад складанасці дызайну
Як камбінаваць рэчы з нацыянальнымі матывамі з сучаснымі? Ідэі ад модных беларусак і беларусаў
Дызайнеркі прапанавалі беларускую альтэрнатыву папулярнай ляльцы Лабубу
Ідэя для падарунка — падборка стылёвых аксесуараў з беларускім каларытам
Топ небанальных падарункаў на любую нагоду ад беларускіх майстроў
Цяпер чытаюць
Ніводзін лукашэнкаўскі СМІ і канал не выкарыстаў слова «рэтранслятары». Што гэта можа азначаць?26
Каментары
А так вельмі цікавыя рэчы і Люстрацыя і Гонар і адкрыла для сябе Святлау Станкевіч