Суд прыняў рашэнне адмовіць у дэпартацыі дэмакратычнага актывіста Артура Сенько ў Беларусь і даць яму палітычны прытулак, пiша Reform.news.
Суд праходзіў у штаце Нью-Мексіка, у Cibola County Correctional Center. Гэта турма, частка якой выкарыстоўваецца ICE для ўтрымання мігрантаў пад старшынствам суддзі Самуэля Уільямса.
«Незадоўга да майго затрымання ў іміграцыйнай турме мой блізкі сябар Яўген Ждановіч заснаваў ініцыятыву byaction.org — для дапамогі тым, хто просіць прытулку з Беларусі ў ЗША. Па іроніі лёсу, я стаў першым, хто апынуўся пад апекай гэтай ініцыятывы. Мой суд праходзіў у штаце Нью-Мексіка, у Cibola County Correctional Center. Гэта турма, частка якой выкарыстоўваецца ICE для ўтрымання мігрантаў.
Нам удалося дамагчыся ўпэўненай перамогі ў адной з самых складаных для тых, хто просіць прытулку, юрысдыкцый — 10‑й акрузе — у вельмі неспрыяльны для імігрантаў час. Прычына, па якой я зноў у бяспецы і на свабодзе, шмат у чым заключаецца ў каласальнай падтрымцы мноства людзей.
Я бясконца ўдзячны: Сяргею Ціханоўскаму, Аляксандру Атрошчанкаву, Андрэю Гнёту, Ганне Маціеўскай — за тое, што змагаліся за мяне да апошняй хвіліны перад вынясеннем рашэння. Я ўдзячны праваабарончым арганізацыям Human Constanta, «Вясна», «Прававая Ініцыятыва», «Мемарыял» — за прававы аналіз.
Я ўдзячны Офісу Святланы Ціханоўскай, Народнаму Антыкрызіснаму Упраўленню, Каардынацыйнай радзе, Аб'яднанаму пераходнаму кабінету — за дыпламатычныя намаганні. Выданням Reform.news, Zerkalo.io, Euroradio.fm, Nashaniva.com, Gazetaby.com, Svaboda.org, POLITICO — за асвятленне маёй сітуацыі. І вядома я ўдзячны ўраду ЗША — за магчымасць справядлівага разгляду маёй справы і прадастаўлення мне абароны», — сказаў Артур Сянько Reform.news.
Артур Сянько быў пад вартай з 15 жніўня. Беларус знаходзіўся на тэрыторыі ЗША легальна. 26 жніўня 2021 года Артур Сянько прыбыў у пункт пропуску ў Otay Mesa Port of Entry, штат Каліфорнія, дзе заявіў аб асцярозе пераследу і папрасіў палітычнага прытулку.
Такая працэдура прадугледжана Законам аб іміграцыі і грамадзянстве. Артур Сянько мінімум з 2022 года знаходзіцца ў міждзяржаўным вышуку па палітычным артыкуле 369 КК РБ — абраза прадстаўніка ўлады.
Праз два дні пасля прыбыцця ў ЗША ён быў вызвалены да далейшага разбору без даты прызначэння суда. Пасля чаго падаў пісьмовае паведамленне аб прадастаўленні палітычнага прытулку, а таксама на працягу ўсяго часу знаходжання ў ЗША супрацоўнічаў з міграцыйнымі органамі, прадстаўляў кантактныя дадзеныя і дадзеныя аб месцы свайго знаходжання.
15 жніўня 2025 года ён быў выкліканы позвай у прадстаўніцтва Дэпартамента ўнутранай бяспекі (U.S. Department of Homeland Security) у Нью-Ёрку. Артур Сянько прыбыў на месца з адвакатам. Довады і аргументы адваката аб законным знаходжанні ў ЗША Артура Сянько як таго, хто просіць прытулку, не былі прыняты. Іміграцыйныя афіцэры адмовіліся глядзець дакументы.
Артуру Сянько надзелі кайданкі і суправадзілі ў ізалятар. Акрамя таго, супрацоўнікі міграцыйнай службы прапанавалі беларусу падпісаць дакумент аб тым, што дата, месца і абставіны яго прыбыцця на тэрыторыю ЗША невядомыя, ад чаго ён адмовіўся, так як, на яго думку, гэта супярэчыць сапраўднасці. Пасля рашэння суда ён быў вызвалены і знаходзіцца ў сябе дома ў Нью-Ёрку.
-
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
-
Беларус з праблемамі з псіхікай стаў у Расіі намінальным дырэктарам. А як справа накрылася, забралі на фронт — у адзін канец
-
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу2
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1717
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары