«Я падумаў, што гэта падобна да розыгрышу пасля Хэлоўіна, які адзначаўся напярэдадні». У Англіі адбыўся напад з нажом у цягніку ў графстве Кембрыджшыр — пацярпелі 10 чалавек, дзевяць з іх атрымалі небяспечныя для жыцця раненні.
Напад адбыўся ў суботу ўвечары ў цягніку ў графстве Кембрыджшыр, які рухаўся з горада Донкастэр на паўночным усходзе Англіі на вакзал King's Cross у Лондане, піша BBC.
Пасля таго, як стала вядома пра здарэнне, вялікая колькасць супрацоўнікаў экстранных службаў прыбыла да месца здарэння на станцыю Хантынгдан у Кембрыджшыры, дзе цягнік зрабіў незапланаваны прыпынак.
Паліцыя пацвердзіла, што дзевяць чалавек знаходзяцца ў бальніцы з небяспечнымі для жыцця траўмамі. Яшчэ адзін чалавек праходзіць лячэнне ў бальніцы з траўмамі, якія не нясуць пагрозы для жыцця.
У сувязі з інцыдэнтам арэштаваныя два чалавекі, якія цяпер пад вартай.
Расследаванне праводзіцца пры падтрымцы супрацоўнікаў антытэрарыстычнага падраздзялення. Паліцыя паведамляе, што рух цягнікоў у гэтым раёне па-ранейшаму прыпынены. Таксама захоўваецца шэраг абмежаванняў на рух аўтатранспарту.
Што расказваюць відавочцы
Паступаюць падрабязнасці пра тое, што адбывалася ў момант атакі.
Олі Фостэр, які быў у цягніку падчас інцыдэнту, расказаў, што пасажыры былі ахопленыя панікай, а скрываўленыя ахвяры крычалі аб дапамозе.
Фостэр апавёў, што спачатку пачуў крыкі: «Бяжыце, бяжыце, там хлопец усіх рэжа нажом», і падумаў, што гэта падобна да розыгрышу пасля Хэлоўіна, які адзначаўся напярэдадні.
Праз некалькі хвілін людзі пачалі праціскацца скрозь вагон, і Фостэр заўважыў, што яго рука «ўся ў крыві», бо, паводле яго слоў, «кроў была паўсюль на сядзенні», на якое ён абапіраўся.
Фостэр расказаў, што мужчына сталага веку «засланіў» сабой дзяўчыну, абараніўшы яе ад нападу, але сам пры гэтым атрымаў раненні галавы і шыі. Пасажыры вакол яго выкарыстоўвалі курткі, каб спыніць крывацёк.
Хоць усё гэта доўжылася ўсяго 10—15 хвілін, Фостэр кажа, што інцыдэнт «здаваўся вечнасцю».
Імёны пацярпелых пакуль не называюцца. Асобы двух арыштаваных у сувязі з нападам таксама не выдаюцца.
Брытанская транспартная паліцыя пацвердзіла Бі-бі-сі, што спачатку паліцыя і экстраныя службы выкарыстоўвалі кодавае слова «Plato», якое ўжываецца пры рэагаванні на «масавы тэрарыстычны напад». Пазней выкарыстанне гэтага кодавага слова было адмененае.
Паліцыя абвясціла пра «буйное здарэнне», расследаванне праводзіцца пры падтрымцы супрацоўнікаў контртэрарыстычнага падраздзялення.
-
Жанчына дапамагла беларускаму ўцекачу незаконна перайсці мяжу — праз гэта ёй адмовілі ў польскім грамадзянстве. Што вырашыў суд
-
У Маскве забілі і расчлянілі школьніка. Яго парэшткі кінулі ў сажалку
-
Трамп, Пуцін, гомасэксуальныя кантакты і іншыя брудныя намёкі — у ЗША апублікавалі 20 тысяч файлаў Эпштэйна
Цяпер чытаюць
«Дзед будзе глядзець асабіста. Калі яму спадабаецца…» Зянковіч расказаў, як з ім запісвалі першае інтэрв'ю ў СІЗА КДБ14
Каментары
проста ім не спадабаліся абыякавыя лычы мясцовых , якім напляваць на у́сё ))