Жыхар Мінскага раёна займаўся фарбаваннем сцен у яме свайго гаража. У нейкі момант яму зрабілася дрэнна.
Праз некаторы час яго знайшоў сусед, які неадкладна выклікаў хуткую дапамогу. Аднак медыкі канстатавалі смерць 46‑гадовага мужчыны. Для ўстанаўлення прычыны смерці следчым прызначаная судова-медыцынская экспертыза, паведамляе Дзяржкамітэт судовых экспертыз.
Экспертам упраўлення Дзяржкамітэта судовых экспертыз па Мінскай вобласці ўстаноўлена, што смерць мужчыны наступіла ад вострага атручвання талуолам, які з’яўляецца кампанентам фарбы і трапіў у арганізм праз дыхальныя шляхі (пры ўдыханні). Узровень талуолу ў крыві памерлага перавышаў смяротную дозу ў 18 разоў.
Талуол уяўляе сабой сур’ёзную пагрозу як для здароўя чалавека, так і для навакольнага асяроддзя. Гэта таксічнае рэчыва патрабуе ўважлівага абыходжання і выкарыстання сродкаў індывідуальнай абароны. Яго дадаюць у многія будаўнічыя растворы і аздобныя матэрыялы.
Знешне талуол — гэта бескаляровая вадкасць з рэзкім і непрыемным пахам. Ён пранікае ў арганізм праз лёгкія і скуру, выклікаючы сур’ёзныя захворванні нервовай сістэмы.
Прыкметы атручвання талуолам лёгка распазнаць: у чалавека назіраецца запаволенне мыслення і парушаецца праца вестыбулярнага апарата. У некаторых выпадках уздзеянне гэтага хімікату можа прывесці да незваротных наступстваў.
Цяпер чытаюць
Сталі вядомыя падрабязнасці таго, як у В'етнаме затрымалі Верамейчыка8
Каментары