З такой нагоды, апроч шампанскага, быў падрыхтаваны і самагон.
Лукашэнка з шампанскім адзначае дабудаваную ферму. Скрыншот відэа «Пул першага»
У гаспадарцы «Агра-Ляскавічы» пабудавалі малочна-таварны комплекс. Калі сёння туды прыехаў Аляксандр Лукашэнка, кіраўнік справамі пры ім Юрый Назараў звярнуўся:
«Дазвольце пытанне…»
«Грошай няма», — не даў скончыць Лукашэнка пад дружны смех чыноўнікаў.
«Што з шампанскім рабіць будзем? Вы сказалі, шампанскае па заканчэнні [будаўніцтва] фермы (Лукашэнка казаў пра шампанскае падчас візіту на гаспадарку ў кастрычніку 2025 года. — НН)».
Лукашэнка загадаў наліваць.
«Ёсць шампанскае, і самагон ёсць», — адсправаздачыўся Назараў на ўсякі выпадак.
«Абяцаў — значыць будзем выконваць», — сказаў Лукашэнка пра шампанскае і разам з чыноўнікамі падняў келіх.
Новы малочна-таварны комплекс у гаспадарцы «Агра-Ляскавічы». Фота: БелТА
Новы малочна-таварны комплекс у гаспадарцы «Агра-Ляскавічы». Фота: БелТА
Каментары