У цэнтры Мінска пачаўся знос будынкаў былой фабрыкі «Сукно». Як паведамляе тэлеграм-канал «Минск и минчанин», на вуліцы Клары Цэткін цяпер актыўна працуе будаўнічая тэхніка — работы і вываз будаўнічага смецця ідуць амаль без перапынку.
На месцы старой тэкстыльнай фабрыкі плануюць узвесці сучасны шматфункцыянальны цэнтр. Займацца праектам будзе кампанія «Мацярык-Інвест», вядомая тым, што будавала буйны будаўнічы гіпермаркет у Ждановічах. У новым комплексе будуць офісы, крамы і паркінг, аднак яго знешні выгляд пакуль не раскрываецца.
Аўтар канала «Минск и минчанин» Дзяніс Блішч адзначае, што частка тэрыторыі ўжо цалкам ачышчаная, а па хуткасці работ бачна, што інвестар не збіраецца зацягваць з будаўніцтвам.
Таксама «Мацярык-Інвест», як адзначае выданне Blizko.by, аднавіў дзейнасць на пляцоўцы насупраць рынку Ждановічы, дзе раней меркавалася пабудаваць гіпермаркет Leroy Merlin.
У Смалявічах будуюць школу з фасадамі ў стылі карцін Малевіча ФОТЫ
Галоўную архітэктурную ўзнагароду Беларусі атрымаў праект знішчэння гістарычных казармаў у Гродне. Хто яшчэ адзначаны? ШМАТ ФОТА
У Мінску пабудуюць царкву ў грузінскім стылі. Яе архітэктар праектуе храмы на акупаваных тэрыторыях Украіны
Каментары