Арменія дазволіла выехаць беларусцы, аб'яўленай лукашыстамі ў вышук
Арменія дазволіла выезд беларусцы Наталлі (імя зменена з меркаванняў бяспекі), якая знаходзілася ў міжнародным вышуку па палітычных матывах, паведаміў у сваім тэлеграм-канале кіраўнік Народнага антыкрызіснага ўпраўлення Павел Латушка.
Паведамляецца, што ў 2020 годзе жанчына ўдзельнічала ў мірных пратэстах і ўваходзіла ў кіраўніцтва аднаго з беларускіх чатаў, дзе абмяркоўвалі сітуацыю ў краіне. Пасля незаконнага затрымання і допыту Наталля была вымушаная пакінуць Беларусь.
У 2025 годзе, калі яна прызямлілася ў Арменіі падчас падарожжа, жанчыне паведамілі, што пакінуць краіну ёй нельга з-за міжнароднага вышуку па запыце рэжыму Лукашэнкі. У падтрымку Наталлі выступілі праваабаронцы, дабрачынныя арганізацыі і прадстаўнікі Аб’яднанага пераходнага кабінета, а таксама юрыдычныя арганізацыі як у Беларусі, так і ў Арменіі.
Дзякуючы намаганням дыпламатаў і праваабарончых структур Арменія выдала афіцыйны дазвол на выезд Наталлі. Яна пакінула краіну і прыбыла ў Еўрапейскі саюз, дзе цяпер знаходзіцца разам са сваёй сям’ёй у бяспечным месцы.
Цяпер чытаюць
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага9
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу100100
Каментары