Суд «ДНР» завочна прысудзіў байца Палка Каліноўскага да 13,5 года калоніі
Вярхоўны суд самаабвешчанай «Данецкай народнай рэспублікі» завочна вынес прысуд 29‑гадоваму грамадзяніну Беларусі Кірылу Галаванаву. Яго прызналі вінаватым ва ўдзеле ў узброеным канфлікце ў якасці найміта і прысудзілі 13,5 года пазбаўлення волі ў калоніі строгага рэжыму.
Паводле абвінавачання, Галаванаў у сакавіку 2022 года праз Польшчу трапіў ва Украіну, дзе добраахвотна далучыўся да Палка імя Кастуся Каліноўскага, які ў «ДНР» прызнаны тэрарыстычнай арганізацыяй. Пасля праходжання вайсковай падрыхтоўкі ён, паводле версіі абвінавачання, удзельнічаў у баявых дзеяннях супраць расійскіх войскаў.
Таксама паведамляецца, што за сваю дзейнасць беларус нібыта атрымаў узнагароду ў памеры больш за 2,8 мільёна расійскіх рублёў (каля 34 560 даляраў). Галаванаў абвешчаны расіянамі ў міжнародны вышук.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары