У Гомелі трое студэнтаў з цацачнымі аўтаматамі напалохалі дзяўчыну
Трое студэнтаў (19, 20 і 21 год) пасля заняткаў вырашылі ўспомніць дзяцінства і павесяліцца.
Яны купілі ў краме цацачныя аўтаматы і, бегаючы па горадзе, дурэлі, цэлячыся адзін у аднаго, паведамляе міліцэйскі тэлеграм-канал.
У адным з двароў яны сталі бегаць па кустах і заглядаць у вокны. Так яны напалохалі гаспадыню адной студыі прыгажосці, размешчанай на першым паверсе.
Дзяўчына спужалася і звярнулася ў міліцыю.
Міліцыянеры знайшлі хлапцоў і даставілі на прафілактычную размову ў РАУС. Студэнты там выбачыліся.
Каментары
Мiж iншым, адзiн з iх студэнт 3-га курса унiверсiтэта. Пасля такiх здарэньняу страшна падумаць пра iнтэлект нашых будучых настаунiкау, дактароу, аграномау. Уся нармальная моладзь зьехала, засталiся тут вось толькi такiя.