Банкрутуе лізінгавая кампанія, якая калісьці ўваходзіла ў пяцёрку найбуйнейшых на рынку
Эканамічны суд Мінска пачаў працэдуру банкруцтва ў дачыненні да кампаніі «Прэм’ерлізінг», якая ўваходзіла ў топ-5 лізінгавых арганізацый краіны. Прадпрыемства існавала з 1998 года і было адным з першых у гэтай галіне. Яно таксама вядомае тым, што інвеставала ў будаўніцтва Тураўскага малочнага камбіната і стварыла лагістычны комплекс «Дваццаць чатыры» ў Табарах Мінскага раёна, піша Office Life.
Паводле ацэнкі кампаніі «ІПМ-Кансалт ацэнка», актывы «Прэм’ерлізінга» складаюць каля 27,3 мільёна рублёў, у тым ліку 1,5 мільёна — сродкі на рахунках і больш за 5 мільёнаў — дэбіторская запазычанасць, якая можа быць праблемнай. Пры гэтым агульныя запазычанасці перад крэдыторамі — амаль 35 мільёнаў рублёў.
Суд не пагадзіўся з аргументамі тых, хто сцвярджаў, што маёмасць была заніжаная пры ацэнцы. Разгляд справы па сутнасці прызначаны на 11 лютага 2026 года.
У апошнія два гады кампанія працавала са стратамі каля 2,4 мільёна рублёў у год, а з чэрвеня 2025 года была выключаная Нацбанкам з рэестра лізінгавых арганізацый. Акцыянеры яшчэ ў маі прынялі рашэнне пра яе ліквідацыю.
Найбольшага поспеху кампанія дасягнула ў 2008—2013 гадах, калі была адным з лідараў рынку нерухомасці і займала другое месца па аб’ёмах уласнага капіталу.
Спявак Дзмітрый Калдун паказаў сваю мінскую кватэру недалёка ад Драздоў ШМАТ ФОТА16
Каментары