Польскія памежнікі затрымалі двух грамадзян Беларусі за незаконны ўвоз наркотыкаў і псіхатропаў. Рэчывы знайшлі ў грузавіку, якім кіраваў адзін з іх.
Але яны адмаўляюць, што перавозілі забаронены груз, піша Most са спасылкай на Памежную службу Польшчы.
Грузавы аўтамабіль, які рухаўся з Іспаніі, памежнікі спынілі падчас планавай праверкі. У машыне супрацоўнікі выявілі два тайнікі, у якіх знаходзілася 10 пакетаў марыхуаны (вагай амаль 5 кілаграмаў), а таксама 16 упаковак псіхатропных лекавых прэпаратаў. Кошт канфіскаваных сродкаў ацэньваецца больш чым у 244 тыс. злотых (57 600 даляраў).
У аўтамабілі знаходзіліся двое грамадзян Беларусі — кіроўца і пасажыр. Іх затрымалі, а затым суд прымяніў да іх часовы арышт на тры месяцы. За ўвоз значнай колькасці наркатычных сродкаў з мэтай атрымання маёмаснай або асабістай выгады ім пагражае штраф і пазбаўленне волі тэрмінам да 20 гадоў.
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні9
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары