Бралі ўдзел Аляксандр Турчын, Аляксандр Вальфовіч, Іван Церцель, Канстанцін Моластаў, Максім Рыжанкоў.
Пад кіраўніцтвам прэм’ер-міністра Аляксандра Турчына і дзяржаўнага сакратара Рады бяспекі Аляксандра Вальфовіча адбылася нарада, прысвечаная сітуацыі на мяжы з дзяржавамі Еўрапейскага саюза. Мерапрыемства прайшло па даручэнні Аляксандра Лукашэнкі, піша БелТА.
У нарадзе таксама ўзялі ўдзел кіраўнікі Міністэрства замежных спраў Максім Рыжанкоў, Дзяржаўнага памежнага камітэта Канстанцін Моластаў, Дзяржаўнага мытнага камітэта Уладзімір Арлоўскі і Камітэта дзяржаўнай бяспекі Іван Церцель.
«Удзельнікі дэталёва абмеркавалі стан і перспектывы развіцця сітуацыі на мяжы, адзначыўшы, што існуючае становішча не адпавядае інтарэсам ні Беларусі, ні Еўрапейскага саюза», — заявіў журналістам прэс-сакратар МЗС Руслан Варанкоў.
«Беларусь паслядоўна заклікае еўрапейскіх суседзяў да аднаўлення ранейшага рэжыму працы мяжы ў інтарэсах звычайных грамадзян і развіцця трансгранічнага супрацоўніцтва».
«На гэтым фоне вітаем рашэнне ўладаў Рэспублікі Польшча аб аднаўленні працы раней зачыненых двух пунктаў пропуску праз беларуска-польскую мяжу для перамяшчэння людзей, транспартных сродкаў і грузаў. Гэта рашэнне аказвае станоўчы ўплыў пераважна на памежны гандаль», — сказаў прэс-сакратар.
У паведамленні МЗС адзначаецца, што гэты крок з’яўляецца праявай канструктыўнага стаўлення Польшчы, накіраваным пераважна на жаданні ўласных грамадзян.
«На жаль, мы не назіраем аналагічнага падыходу з боку літоўскіх уладаў, якія працягваюць ігнараваць інтарэсы ўласных грамадзян», — адзначыў Руслан Варанкоў.
«Упэўненыя, што рашэнне Польшчы — гэта толькі першы крок да развіцця нашага двухбаковага ўзаемадзеяння. Досвед паказвае: за развіццём кантактаў паміж людзьмі, а часам нават раней, непазбежна ідзе паглыбленне палітычнага супрацоўніцтва», — рэзюмаваў прадстаўнік МЗС.
17 лістапада Польшча адкрые два пункты пропуску на мяжы з Беларуссю — Кузніцу і Баброўнікі.
Цяпер чытаюць
Пасадзілі адваката Дзмітрыя Лаеўскага, які абараняў Бабарыку і Знака11
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам54
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4747
Каментары