Сляды яшчэ аднаго зніклага актывіста з Гомельшчыны адшукаліся ў магілёўскай турме
Праваабаронцы з «Гомельскай вясны» даведаліся, што грамадскага актывіста з Нароўлі Міколу Віткоўскага, які знік некалькі месяцаў таму, утрымліваюць у магілёўскай турме № 4.
Паводле звестак праваабаронцаў, Міколу Віткоўскага затрымалі супрацоўнікі КДБ яшчэ ў верасні. Цяпер ён знаходзіцца ў следчым ізалятары і абвінавачваецца ў «здрадзе дзяржаве» паводле арт. 356 Крымінальнага кодэкса.
Мікола Віткоўскі — актывіст і сябра партыі «Народная грамада», якога раней неаднаразова затрымлівалі па адміністрацыйных справах. Прычыны адкрыцця крымінальнай справы пакуль невядомыя, як і тое, чаму мужчыну ўтрымліваюць менавіта ў Магілёве, а не ў гомельскім СІЗА або ў СІЗА КДБ у Мінску.
Раней, 13 лістапада, стала вядома, што ў той жа турме ў Магілёве знаходзіцца і іншы актывіст з Гомельскай вобласці — Аляксандр Елісееў з Калінкавічаў. Яго таксама вінавацяць у здрадзе дзяржаве і абразе Лукашэнкі. Абодва зніклі ў сваіх гарадах у верасні, таму праваабаронцы мяркуюць, што іх затрыманне можа быць часткай адной справы.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі37
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары