Грамадскага актывіста з Калінкавічаў абвінавачваюць у «здрадзе дзяржаве»
У магілёўскай турме № 4 знаходзіцца грамадскі актывіст з Калінкавічаў Аляксандр Елісееў. Яго абвінавачваюць у здрадзе дзяржаве (артыкул 356 КК) і абразе Лукашэнкі (артыкул 368 КК). Пакуль невядома, якія менавіта дзеянні прызналі «злачынствамі», а таксама калі і чаму ён быў затрыманы і чаму ўтрымліваецца менавіта ў Магілёве, а не ў Гомелі, піша «Гомельская Вясна».
Аляксандр Елісееў раней быў сябрам цяпер ліквідаванай у Беларусі Аб’яднанай грамадзянскай партыі. Ён актыўна ўдзельнічаў у незалежным назіранні за выбарамі і крытыкаваў парушэнні дэмакратычных працэдур, адмаўляўся аплачваць палітычна матываваныя штрафы.
У 2020 годзе і пазней яго неаднаразова затрымлівалі і асуджвалі на адміністрацыйныя арышты. Падчас аднаго з такіх арыштаў у лютым 2022 года ён абвясціў галадоўку. Тады яго затрымалі за пяць дзён да пачатку поўнамаштабнага ўварвання расійскіх войскаў ва Украіну, якія размяшчаліся паблізу Калінкавічаў і Мазыра. Тады яго абвінавацілі ў дробным хуліганстве.
Елісееў працаваў у авіяцыйнай прамысловасці, скончыў Кіеўскі міжнародны ўніверсітэт грамадзянскай авіяцыі, працаваў на авіябудаўнічых прадпрыемствах Украіны, а пазней у Беларусі — праграмістам. Пасля палітычнага актывізму апошніх гадоў ён не меў нармальнай працы.
Праваабаронцы: КДБ спрабаваў выкарыстаць святара Акалатовіча, каб завабіць у пастку нунцыя
Журналіста Паўла Дабравольскага абвінавацілі ў «здрадзе дзяржаве»
Ратавальніка са Смілавічаў асудзілі да калоніі за Гаюна і «здраду дзяржаве»
31‑гадовага сілавіка з Берасцейшчыны абвінавачваюць у падпольнай працы ў Крыме па заданні «Байпола»
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары