Стала вядома, што Гомельскі абласны суд вынес прысуд жыхару Мазыра Івану Качайлу. Яго абвінавацілі ў «садзейнічанні экстрэмісцкай дзейнасці» па арт. 361‑4 КК і прызначылі чатыры гады «хіміі», даведалася «Гомельская вясна».
Падрабязнасці абвінавачання пакуль не вядомыя.
Раней пра нейкую асабістую актыўнасць Івана Качайлы не паведамлялася. У 2023 годзе, аднак, па адміністрацыйнай справе за «распаўсюд экстрэмізму» пакаралі яго сына Максіма, студэнта медуніверсітэта, нібыта за размяшчэнне лагатыпа канала, прызнанага «экстрэмісцкімі матэрыяламі».
Мяркуецца, што пераслед Івана Качайлы звязаны з крымінальнай справай супраць маніторынгавага канала «Беларускі Гаюн». Сёлета ў лютым сілавікі атрымалі доступ да чата, дзе змяшчалася інфармацыя пра ўдзельнікаў і інфармантаў, пасля чаго пачаліся масавыя затрыманні і суды па ўсёй краіне.
Каментары