Карціну аўстрыйскага мастака Густава Клімта «Партрэт Элізабет Ледэрэр» прадалі на аўкцыёне Sotheby’s за 236,4 мільёна даляраў. Імя пакупніка не называецца, піша Bloomberg.
У таргах удзельнічалі шэсць чалавек, якія змагаліся за куплю карціны на працягу 20 хвілін. Партрэт стаў самым дарагім творам сучаснага мастацтва, калі-небудзь прададзеным на аўкцыёне, адзначылі ў Sotheby’s.
Карціна належала калекцыянеру Леанарду Лаўдэру. Яна захоўвалася ў яго доме ў Нью-Ёрку. У чэрвені 2025‑га Лаўдэр памёр ва ўзросце 92 гадоў. Усяго на аўкцыёне гэтым вечарам было прададзена пяць работ Клімта з яго калекцыі. Агульная сума склала 392 мільёны даляраў.
Партрэт 20‑гадовай Элізабет Ледэрэр — дачкі аўстрыйскага прамыслоўца і мецэната, які падтрымліваў і Клімта — мастак напісаў у перыяд з 1914 па 1916 год. У 1918‑м ён памёр, а партрэт стаў часткай калекцыі, якая захоўвалася ў заможнай яўрэйскай сям’і ў Вене.
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне61
Каментары
Каб гэта мела прыбытак ці перспектыву інвестара Бафет увесь Лувр з Эрмітажэм у дадатак скупіл ))) а ен у кэшэ захоўвае , кітайскімі электромабіля скончыл.