Мінінфарм раіць беларусам не высылаць YouTube дакументы для праверкі ўзросту
Раней стала вядома, што карыстальнікам YouTube, у тым ліку і з Беларусі, сталі масава паведамляць, што пры спробе адкрыць відэа са ўзроставымі абмежаваннямі цяпер патрабуецца загрузка дакументаў — пашпарта, правоў кіроўцы або сэлфі. Міністэрства інфармацыі выконваць гэтыя патрабаванні не раіць.
Здымак ілюстрацыйны. Фота: «Наша Ніва»
Для многіх беларусаў такая практыка выглядае трывожнай: перадача сканаў дакументаў і фатаграфій павышае рызыку ўцечкі асабістых даных, асабліва на фоне росту кібермахлярства.
Эксперты адзначаюць, што новаўвядзенне можа стаць дадатковай перашкодай у доступе да кантэнту, паколькі карыстальнік фактычна аказваецца перад выбарам — прыватнасць або магчымасць прагляду.
У сувязі з гэтым Міністэрства інфармацыі раіць:
- Калі відэа даступнае на іншых платформах, лепш шукаць яго там — без перадачы дакументаў.
- Па магчымасці не дасылаць пашпартныя даныя проста «дзеля прагляду роліка», і тым самым мінімізаваць рызыкі.
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў8
Каментары
Я посмотрел, в каких странах подтверждение не требуется, выставил в VPN японский адрес, и работает без подтверждения возраста