Падчас візіту ў Брусель Святлана Ціханоўская сустрэлася з вярхоўнай прадстаўніцай Еўрапейскага Саюза па замежных справах і палітыцы бяспекі Каяй Калас, паведамляе прэс-служба беларускай дэмакратычнай лідаркі.
Ключавымі пытаннямі размоў стала сітуацыя ў Беларусі, міжнародныя намаганні па вызваленні палітвязняў, роля Беларусі ў рэгіянальнай бяспецы і магчымыя перспектывы будучых перамоў па Украіне.
Асобная ўвага была нададзена пытанню вызвалення палітвязняў і камунікацыі з амерыканскім бокам у межах гуманітарнага трэку.
Падчас сустрэчы Кая Калас падкрэсліла:
«Еўрапейскі Саюз выразна адрознівае беларускі народ і рэжым Лукашэнкі, а палітыка ЕС застаецца двухбаковай: ізаляцыя рэжыму і падтрымка беларускага грамадства».
Святлана Ціханоўская падзякавала Каі Калас і Еўрапейскаму Саюзу і адзначыла — будучыня еўрапейскай бяспекі непасрэдна залежыць ад таго, ці застанецца Беларусь незалежнай і дэмакратычнай:
«У інтарэсах Еўрасаюза — каб Беларусь была свабоднай, суверэннай і прадказальнай дзяржавай. У інтарэсах беларусаў — каб у выніку любых перамоў Беларусь не засталася пад кантролем Расіі на гады».
Кая Калас — беларусам: Вы можаце разлічваць на Еўрапейскі саюз. Большасць краін ЕС выйшлі з халоднага аўтарытарнага мінулага
Ці не застануцца беларусы сам-насам з Пуціным і чым гатовы дапамагчы Еўрасаюз? Інтэрв'ю з еўракамісарам
«Прэмія належыць усім беларусам, якія працягваюць змагацца». Ціханоўская ўзнагароджаная нямецкай прэміяй, якую атрымліваў Гавел
Дарадцы Ціханоўскай бачыліся з намеснікам міністра замежных спраў Беларусі на саміце АБСЕ
Каментары