Донар з анкагеннай мутацыяй стаў бацькам амаль 200 дзяцей у Еўропе — некаторыя ўжо памерлі ад раку
Донар спермы, які пачаў здаваць сперму ў Даніі ў 2005 годзе, стаў біялагічным бацькам як мінімум 197 дзяцей у 14 краінах Еўропы, выявіла маштабнае журналісцкае расследаванне, праведзенае 14 еўрапейскімі медыякампаніямі.
Еўрапейскі банк спермы ў Даніі, які прадаў сперму, заявіў, што выказвае пацярпелым сем'ям «глыбокае спачуванне».
У гэтага донара выяўлена мутацыя ў гене TP53, якая значна павышае рызыку развіцця раку. Дзеці, народжаныя ад сперматазоідаў з мутацыяй, атрымліваюць сіндром Лі-Фраўмені, які дае да 90% рызыкі анкалагічнага захворвання на працягу жыцця, часцей за ўсё ў маленстве.
Сам донар застаецца здаровым, бо небяспечная мутацыя прысутнічае не ва ўсім ягоным арганізме, а толькі прыкладна ў 20% яго сперматазоідаў. Аднак дзесяці дзецям, народжаным ад гэтага донара, ужо пастаўлены дыягназ «рак», і некаторыя з іх памерлі ў вельмі раннім узросце.
Еўрапейскі банк спермы ў Даніі заявіў, што мутацыя такога роду не выяўляецца стандартнымі скрынінгамі, і донар быў неадкладна заблакаваны, як толькі праблема высветлілася.
За 17 гадоў яго сперму выкарысталі 67 клінік.
У ходзе расследавання таксама выявілася, што ў некаторых краінах былі парушаныя нацыянальныя нормы колькасці дзяцей ад аднаго донара. Напрыклад, у Бельгіі, дзе ліміт складае шэсць сем'яў, гэты донар стаў бацькам 53 дзяцей у 38 жанчын. Эксперты адзначаюць, што міжнароднага закона, які б рэгуляваў колькасць нашчадкаў ад аднаго донара, не існуе.
Цяпер чытаюць
Бабарыка, Золатава і яшчэ некалькі дзясяткаў былых палітвязняў заклікалі еўрапейскіх лідараў актыўней дамаўляцца наконт вызваленняў44
Каментары
Природой так решено и заложено, что некоторым нельзя заводить детей, тупиковая ветвь, иначе беда.
Но люди решили, что могут перехитрить природу. Бедные дети ни за что терпели страшную боль, видите ли потому, что бездетным захотелось дитя себе, потешиться. И сами от горя тоже, небось, потерпели, но их то не так жаль, как невинно призванных в этот мир детей!
гермінальная
саматычная.
Ген TP53 адказны за пратэін р53, які з'яўляецца тумар (пухліна) супрэсарам. Ён адказвае за арышт (затрымку) клетачнага цыклу пры пашкоджанні ДНК. Існуюць два варыянты:
клетка паспявае адрамантаваць ДНК
клетка накіроўваецца на апаптоз (праграмуемую смерць).
Адсутнасць, альбо недахоп, альбо нефункцыянальнасць р53 прыводзіць да некантраляванага дзялення клеткі - раку.
Калі ген TP53 мутуе у клетцы саматычнай лініі, то ракавай можа стаць любая клетка-патомак муціраваўшай, але гэта будуць саматычныя (цялесныя) клеткі.
Калі ген TP53 мутуе у клетцы гермінальнай лініі, то ракавай можа стаць любая клетка індывіда, зачатага ад мутантнай гаметы (сперматазоіда альбо яйкаклеткі), бо зігота (аплодненая яйкаклетка) тоціпатэнтная (параджае усе клеткі новага арганізма).
https://en.wikipedia.org/wiki/Li%E2%80%93Fraumeni_syndrome
Ведаць пра мутацыю у сваёй гермінальнай лініі донар не мог.
А астатняе неблага выкладзена у Бібліі. Задоўга да Грэгара Мендэля, людзі выпакутавалі спіс бяды блізкароднасных бракаў. Але...money
2. "Наша Ніва" не можа дазволіць сабе перакласці артыкул цалкам, а варта зазірнуць і ў арыгінал
https://www.bbc.com/news/articles/ckgmy90z991o
He told the BBC: "We have to import from big international sperm banks who are also selling it to other countries, because that's how they make their
money,
and that is where the problem begins, because there's no international law about how often you can use the sperm."