Трамп: Зяленскі — адзіны, каму не падабаецца наш план заканчэння вайны
«Я думаў, што мы вельмі блізкія да ўкладання пагаднення з Расіяй», — сказаў прэзідэнт ЗША.
Прэзідэнт ЗША Дональд Трамп заявіў, што прэзідэнт Уладзімір Зяленскі нібыта адзіны, каму не падабаецца прапанаваны Вашынгтонам план заканчэння вайны, у той час як ягонае атачэнне падтрымлівае гэты праект. Пра гэта прэзідэнт ЗША заявіў падчас размовы з журналістамі ў Белым доме, піша «Украінская праўда».
«Я думаў, што мы вельмі блізкія да ўкладання пагаднення з Расіяй. Я думаў, што мы вельмі блізкія да ўкладання пагаднення з Украінай. Па сутнасці, за выключэннем самога прэзідэнта Зяленскага, яго людзям падабаецца праект пагаднення».
Паводле яго слоў, амерыканскі план складаецца «з чатырох або пяці пунктаў». Ён прызнаў, што працэс перамоў з’яўляецца складаным, бо дакумент прадугледжвае падзел тэрыторый.
Трамп таксама параўнаў дыпламатычныя намаганні са сваім бізнэс-досведам, адзначыўшы, што дамагчыся заканчэння вайны ва Украіне «ў тысячу разоў складаней», чым заключыць здзелку ў сферы нерухомасці.
Прэзідэнт ЗША ў панядзелак, 8 снежня, пахваліўся, што пры яго прэзідэнцтве Штаты не толькі не трацяць на падтрымку Украіны ў вайне супраць Расіі, але і зарабляюць на гэтым.
У Крамлі выказалі задавальненне апошнімі заявамі амерыканскага прэзідэнта Дональда Трампа, у прыватнасці, пра перавагу Расіі на полі бою ва Украіне, а таксама пра немагчымасць сяброўства Украіны ў НАТА.
Трамп раней заяўляў, што Расія нібыта пагадзілася на «мірны план», у той час як прэзідэнт Украіны Уладзімір Зяленскі нават не чытаў яго.
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма11
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу1919
Каментары
Уничтожит Украину ( ровно как и Россию) на годы и десятилетия вперёд.
Единственный выход это ее немедленно прекратить.