На алтарнай фрэсцы ў касцёле святога Антонія замалявалі трох чалавек.

У гэтым канцэптуальна аформленым храме кожны вобраз мае сваё значэнне, і ў левай частцы фрэскі былі намаляваныя двое спячых салдат. Яны сімвалізавалі рымскіх вартавых каля Труны Хрыста, якія праспалі яго Уваскрасенне, піша katolik.life.
Аднак салдаты былі апранутыя ў больш сучасную ваенную вопратку. Гэты элемент фрэскі меў такі сэнс: Святло пераможа цемру не дзякуючы мілітарнай сіле, а насуперак ёй — калі салдаты заснуць.

Гэтыя постаці таксама зніклі. Як цяпер выглядае галоўная фрэска з замаляванымі вобразамі, відаць на здымку. Ніжэй — фота ў першапачатковым выглядзе.
Таксама замалявалі жанчыну ў сукенцы, якая звярталася да Хрыста.

Фрэску адцэнзуравалі ў той час, калі ў ідэалогіі беларускага дзяржавы ўзмацніўся культ мілітарызму — пасля 2020 года. Наколькі вядома вернікам, распараджэнне замаляваць постаці без узгаднення з аўтарам фрэскі паступіла ад біскупа Віцебскага Алега Буткевіча.
Аднак невядома, ці было гэта зроблена па яго ініцыятыве. Мастацкае рашэнне інтэр’еру касцёла, асвечанага ў 2017 годзе, раней узгаднялася з біскупам.
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары
[Зрэдагавана]