Вялікабрытанія перадасць 2,5 мільярда фунтаў стэрлінгаў, якія Абрамовіч атрымаў ад продажу «Чэлсі», у фонд дапамогі Украіне
Пакуль еўрапейскія краіны спрабуюць дамовіцца адносна выкарыстання замарожаных расійскіх дзяржаўных актываў, Вялікабрытанія пераходзіць да канкрэтных дзеянняў у дачыненні да прыватнага расійскага капіталу. Прэм’ер-міністр Кір Стармер паставіў алігарху ўльтыматум: альбо ён добраахвотна накіруе сродкі на дапамогу Украіне, альбо справу вырашыць суд.
Як піша The Guardian, урад Вялікабрытаніі афіцыйна пачынае працэдуру пераводу 2,5 мільярда фунтаў стэрлінгаў, атрыманых ад продажу футбольнага клуба «Чэлсі» Раманам Абрамовічам, на гуманітарныя патрэбы Украіны.
Выступаючы ў Палаце абшчын, Кір Стармер заявіў, што грошы расійскага мільярдэра, які знаходзіцца пад брытанскімі санкцыямі, будуць накіраваныя ў спецыяльна створаны новы фонд для Украіны. Выдача Арамовічам спецыяльнага дазволу на гэты трансфер названая «апошнім шанцам» для алігарха выканаць свае абавязацельствы без судовага ўмяшання.
«Гадзіннік цікае. Раман Абрамовіч павінен выканаць абяцанне, дадзенае пры продажы «Чэлсі». Наш урад гатовы дабіцца выканання гэтага праз суд, каб кожная капейчына дайшла да тых, чые жыцці былі разбураныя незаконнай вайной Пуціна», — цытуе Стармера выданне.
Расійскі бізнэсмэн прадаў лонданскі клуб у 2022 годзе пад ціскам брытанскіх уладаў пасля пачатку поўнамаштабнага ўварвання Расіі ва Украіну. Тады дазвол на продаж быў дадзены толькі пры ўмове, што ўсе сродкі пойдуць ахвярам вайны. Аднак грошы засталіся замарожанымі на банкаўскім рахунку кампаніі Абрамовіча Fordstam праз доўгія спрэчкі: бок алігарха хацеў, каб сродкі маглі выдаткоўвацца не толькі ва Украіне, але і ў іншых краінах, што не задавальняла Лондан.
У брытанскім урадзе назвалі сітуацыю, калі велізарная сума ляжыць без руху больш за два гады, «непрымальнай». Улады адзначылі, што доўгі час спрабавалі дамовіцца з прадстаўнікамі бізнэсмэна, аднак цяпер гатовы да рашучых дзеянняў.
Як заўважае выданне, гэты крок Лондана супаў па часе з абмеркаваннем больш маштабнага плана ЕС па выкарыстанні замарожаных расійскіх актываў для фінансавання Украіны. Масква ўжо назвала падобныя намеры «крадзяжом» і пагражае ў адказ канфіскаваць актывы еўрапейскіх прыватных інвестараў у Расіі.
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны10
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары
Слава Україні 💖🇺🇦💖👍💪