У паўфінале хакейнага Кубка Стэнлі (фінал Усходняй канферэнцыі) «Манрэаль Канадыенс», за які выступаюць браты Андрэй і Сяргей Касціцыны, згуляюць з «Філадэльфіяй Флаерз».
«Лётчыкі» сёння ўначы перамаглі ў сёмым матчы серыі плей-оф «Бостан» – 4:3. «Філадэльфія» напачатку саступала ў серыі 0:3, але потым атрымала чатыры перамогі запар, стаўшы ў гісторыі трэцяй камандай, якой удалося выйграць серыю пасля трох стартавых паразаў.
Цікава, што «Манрэаль» і «Філадэльфія» па выніках рэгулярнага сезона паказалі найгоршыя вынікі сярод камандаў, што трапілі ў плей-оф на Усходзе. «Флаерз» занялі сёмае месца, а «Канадыенс» – 8-е, у апошні момант ускочыўшы ў Кубак Стэнлі.
Серыя між імі пачнецца ўжо 16 мая.
Першы матч пройдзе ў Філадэльфіі, затым тамсама – 18 мая, 20 і 22 мая – гульні ў Манрэалі, 24 мая (калі спатрэбіцца) – у Філадэльфіі, 26 мая (калі спатрэбіцца) – у Манрэалі, 28 мая – у Філадэльфіі.
Серыя ідзе да чатырох перамог.
Нагадаем, што «Манрэаль» у першым раўндзе выбіў з плей-оф найлепшую каманду рэгулярнага чэмпіянату «Вашынгтон Кэпіталз» (4:3), а ў другім раўндзе – уладальніка Кубка Стэнлі «Пітсбург Пінгвінз» (4:3).
У фінале Заходняй канферэнцыі згуляюць «Сан-Хасэ» і «Чыкага».
Цяпер чытаюць
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары