У Мінск пачынае лётаць новая расійская авіякампанія — NordStar, якая раней не выконвала рэгулярныя рэйсы ў Беларусь. Кампанія базуецца ў Маскве і Краснаярску, піша Blizko.by.
Пакуль што заяўлены толькі адзін рэйс: у нядзелю, 25 студзеня, з Мінска ў Маскву (аэрапорт Дамадзедава), а ў панядзелак будзе зваротны рэйс Масква — Мінск.
Кошт квітка ў адзін бок у класе «Эканом Лёгка» з Мінска ў Маскву складае 2 840 расійскіх рублёў (прыкладна 106 беларускіх рублёў або 31 еўра). Квіток з Масквы ў Мінск яшчэ таннейшы — 2 390 расійскіх рублёў (89 беларускіх рублёў або 26 еўра). Пры гэтым у кошт уваходзіць 1 месца ручной паклажы (да 10 кг) і 1 багажнае месца (23 кг).
Для параўнання, у «Белавія» на тую ж дату квіток у Маскву каштуе мінімум 157 рублёў (Шарамецева) або 191 рубель (Дамадзедава), а на высокахуткасны цягнік «Ластаўка» — 135 рублёў.
Флот NordStar складаецца з 8 самалётаў Boeing 737‑800 і 1 Boeing 737‑300. Кампанія ў асноўным выконвае рэйсы па Расіі. Таксама яна мае рэйсы ў егіпецкі Шарм‑эль‑Шэйх, а раней лётала ў Азербайджан, Арменію, Кітай і Турцыю.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект5
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары